Steindautt jafntefli hjá Rúmeníu og Frakklandi

Keppni í C-riðli Evrópumótsins hófst með leik Rúmeníu og Frakklands. Leikurinn var hreint út sagt virkilega leiðinlegur og endaði með markalausu jafntefli.

Spilamennska franska liðsins olli miklum vonbrigðum. Karim Benzema  fékk þeirra besta færi en brást bogalistin. Annars var sóknarleikur Frakklands bitlaus og tilviljanakenndur. Rúmenar voru sáttir við stigið. Mættu til leiks með vörnina efsta í huga sér og náðu að halda hreinu.

Ljóst er að svona spilamennska mun duga Frakklandi skammt gegn hinum liðum riðilsins. Klukkan 18:45 mætast Holland og Ítalía í hinum leik riðilsins og vonandi verður meira fjör í þeim leik.