Fótbolti

Frei segir Celtic hafa áhuga á sér

Eiríkur Stefán Ásgeirsson skrifar
Alexander Frei, leikmaður Borussia Dortmund og svissneska landsliðsins.
Alexander Frei, leikmaður Borussia Dortmund og svissneska landsliðsins. Nordic Photos / Bongarts

Svissneski framherjinn Alexander Frei segir að Glasgow Celtic hafi áhuga á að fá sig í sínar raðir.

Frei er á mála hjá Borussia Dortmund í þýsku úrvalsdeildinni en hann meiddist í opnunarleik EM 2008. Hann verður frá næstu sex vikurnar og missir því af mótinu.

Hann sagði að þetta væri ekki í fyrsta sinn sem Celtic sýnir honum áhuga. Það hafi bæði gerst árin 2004 og 2006.

„Engin tilboð hafa verið lögð fram," sagði Frei. „En ef þeir vilja mega þeir hringja í mig. Annars vil ég ekki tjá mig um málið," bætti hann við.

Mest lesið


Fleiri fréttir

Sjá meira


×

Mest lesið