Ronaldo ætlar að svara spörkum með mörkum

Cristiano Ronaldo segist klár í slaginn fyrir óblíðar móttökur á Stamford Bridge á sunnudaginn þegar Manchester United sækir Chelsea heim í stórleik helgarinnar í ensku úrvalsdeildinni.

Ronaldo er allur að koma til eftir meiðsli og segist fastlega búast við því að verða mætt af fullum þunga á sunnudaginn.

"Ég er orðinn vanur því að menn reyni að draga úr mér vígtennurnar um leið og ég mæti til leiks, en menn eru farnir að sjá að það er erfitt að æsa mig upp. Ég á eftir að verða sparkaður niður eins og venjulega, en ég mun ekki slá frá mér. Ég er harður af mér og þetta er fylgifiskur leiksins. Ég borga þá bara fyrir mig með mörkum," sagði Ronaldo í samtali við Sun.