Spánverjar unnu Rússa í fyrsta leik D-riðils Evrópumótsins í dag. David Villa fór á kostum í leiknum og skoraði þrennu fyrir Spán í 4-1 sigri.
Það rigndi vel meðan á leik stóð en Spánn tók forystuna eftir tuttugu mínútna leik. Fernando Torres lagði upp mark fyrir Villa. Rétt fyrir hálfleik fékk Villa síðan stungusendingu frá Andres Iniesta og kláraði vel.
Stundarfjórðungi fyrir leikslok kom síðan þriðja markið þegar Villa innsiglaði sína þrennu með laglegu marki. Frammistaða Rússa í leiknum í dag var ekki alslæm en þeir réðu ekki við óárennilega sóknarlínu Spánar.
Fimm mínútum fyrir leikslok minnkaði Roman Pavlyuchenko muninn fyrir Rússa með skalla eftir hornspyrnu en það mark kom of seint. Cesc Fabregas bætti við fjórða marki Spánar undir lokin en það mark hefði þó ekki átt að standa vegna rangstöðu.
Klukkan 18:45 mætast Grikkland og Svíþjóð í hinum leik riðilsins.
