Öllum bjargað af sökkvandi skipi

Búið er að bjarga meira en 150 farþegum og áhöfn skemmtiferðaskips eftir að það sigldi á ísjaka við suðurheimskautssvæðið í morgun. Um borð voru 100 farþegar og 54 áhafnarmeðlimir sem voru ferjaðir með björgunarbátum í annað skip.

Susan Hayes frá Gap Adventures sem á skipið sagði fréttastofu BBC að skipið hefði farið frá Ushuaia syðst í Argentínu 11. nóvember síðastliðinn. Áætlað var að sigla í 19 daga að Drake Passage sem er hafsvæðið milli Argentínu og Suðurheimskautsins.

Bresku strandgæslunni var tilkynnt um slysið rétt fyrir klukkan hálfsex í morgun að íslenskum tíma. Skipið lenti í vandræðum 120 kílómetra norður af suðurheimsskautslandinu.