Plata Páls Óskars rýkur út

Allt fyrir ástina, ný plata Páls Óskar Hjálmtýssonar, er ófáanleg í íslenskum plötubúðum í dag. Þúsund eintök, sem fóru í sölu á föstudag, er búin.

"Ég sit nú bara sveittur ásamt Moniku og tveimur vinum við að föndra þúsund eintök af plötunni. Hún er ófáanleg as we speak," segir Páll Óskar í samtali við Vísi en hann vonast til að koma nýjum eintökum í búðir í fyrramálið.

Páll Óskar segist vera himinlifandi yfir viðtökum plötunnar en hann á von á fimm þúsund eintökum í viðbót frá Austurríki strax eftir helgi. Hann mun halda útgáfutónleika á NASA næstkomandi laugardag og lofar miklu stuði.