Terry gæti hvílt gegn Eistum

Steve McClaren mun sennilega hvíla John Terry í leik Englands og Eistlands eftir eina viku.

Terry er bæði tábeins- og kinnbeinsbrotinn en spilaði engu að síður í leik Chelsea og Valencia í Meistaradeildinni í vikunni.

Hann er þó líka á gulu spjaldi með landsliðinu og McClaren vill sjálfsagt hvíla hann gegn Eistum svo hann verði klár í leiknum mikilvæga gegn Rússum fjórum dögum síðar.

Englendingar mega alls ekki við því að tapa leikjunum tveimur. Liðið er í öðru sæti E-riðils, þremur stigum á eftir Króatíu og tveimur á undan Rússum.

Eistland hefur aðeins unnið einn leik í riðlinum til þessa og er með markatöluna 3-18.