Lofar að skoða mál Evu Rutar

Þorsteinn Hjartarson, framkvæmdastjóri Þjónustumiðstöðvar Breiðholts, segir að sitt starfsfólk kappkosti við að veita viðskiptavinum sínum góða og skjóta þjónustu. Hann kannast ekki við að fólki sé neitað þjónustu um viðtal og hefur hann ekki fengið tilkynningar þess efnis. Hann lofar því að mál Evu Rutar verði skoðað.

Þorsteinn segir að alltaf sé vakthafandi ráðgjafi sem sinni öllum erindum og ef fólk er óánægt með þjónustu eða þau svör sem það fær þá geti það alltaf snúið sér til stjórnenda.á Þjónustumiðstöðinni.

Vísir sagði í dag frá Evu Rut Bragadóttur sem er ólétt og komin 34 vikur á leið. Hún er heimilislaus og býr í tjaldi í Laugadalnum. Hún segir félagsmálayfirvöld ekki hafa sinnt sér vegna sumarleyfa.