Spáð í spilin: Sunderland v Tottenham

Fyrsti leikur tímabilsins er á milli þeirra liða sem hvað mesta eftirvæntingu hafa vakið. Tottenham er það lið sem talið er eiga mestu möguleikana á að brjótast sér leið að efstu fjórum sætunum sem að öllu jöfnu virðast vera frátekin fyrir United, Chelsea Liverpool og Arsenal.

Sunderland er svo það lið af nýliðunum sem talið er eiga mestu möguleikanan á að halda sér í úrvalsdeildinni.

En til þess að þetta verði að veruleika þurfa bæði liðin að byrja vel og því verður barist hart fyrir öllum stigunum í dag.

Takmark Tottenham fyrir tímabilið er er ekki svo langsótt. Liðið náði 60 stigum í fyrra, komst í 8-liða úrslit í UEFA keppninni og í undanúrslitin í deildarbikarnum, fyrir utan að spila skrambi skemmtilega fótbolta.

Sérfræðingar eru almennt á þeirri skoðun að með ögn sterkari varnarleik og meiri stöðugleika ætti Tottenham að geta velgt vinum sínum í Arsenal undir uggum og jafnvel tryggt sér meistaradeildarsæti í fyrsta sinn

Það þarf mikið að ganga upp hjá Sunderland ef liðið ætlar að halda sér uppi. Ástæðan er einfaldlega sún að munurinn á efstu og næst efstu deild í Englandi er gríðarlegur. Því er ljóst að mikið mun mæða á nýju leikmönnum liðsins. Í þá hefur verið eytt mikið af peningum og til þeirra eru gerðar miklar væntingar.

Roy Keane segir að lykillinn að velgengni í ár sé að byrja vel og vinna á heimavelli. Hans menn ættu því að koma dýrvitlausir til leiks í dag. Þess má geta að stuðningsmenn Sunderland þykja með þeim allra hörðustu og munu án efa láta finna fyrir sér á The Stadium of Light í dag.

Leikurinn hefst klukkan 11:25 og er í beinni útsendingu á Sýn2

Liðin á leikmannamarkaðinum

Sunderland

Inn:

Bakvörðurinn Greg Halford kom frá Reading. Hann er 22 ára.

Miðvörðurinn Russell Anderson kom frá Aberdeen fyrir 1 milljón punda. Hann er 28 ára.

Sóknarmaðurinn Michael Chopra kom frá Cardiff á 5 milljónir punda. Hann er 23 ára gamall.

Vængmaðurinn Kiearan Richardson kom frá Manchester United á 5.5 milljónir punda. Hann er 22 ára.

Nígeríski miðjumaðurinn Dickson Etuhu kom frá Norwich á 1.5 milljón punda.

Varnarmaðurinn Paul McShane kom frá WBA fyrir 2.5 milljónir. McShane er 21 árs Norður-Íri

Markvörðurinn Craig Gordon er keypur á 9 milljónir punda frá Hearts. Gordon er þriðji dýrasti markvörður sögunar.

Út

Spænski miðjumaðurinn Arnau Riera fór til Falkirk

Sóknarmaðurinn Stephen Elliot fór til Wolves. Hann er 23 ára.

Bakvörðurinn Stephen Wright fór til Stoke á láni. Wright lék eitt sinn með Liverpool.

Tottenham

Inn:

Bakvörðurinn Gareth Bale kom frá Southampton á 10 milljónir punda.

Miðjumaðurinn Adel Taarabt kom frá Lens eftir að hafa verið á láni síðan í Janúar.

Sóknarmaðurinn Darren Bent kom frá Charlton á 16.5 milljónir punda. Bent er 23 ára.

Varnarmaðurinn Younes Kaboul kom frá Auxerre fyrir 8 milljónir punda.

Miðjumaðurinn Kevin-Prince Boateng kom frá Hertha Berlin fyrir 5.4 milljónir punda.

Út

Varaliðsmarkvörðurinn Robert Bursch fer á frjálsri sölu til Sheffield Wednesday. Hann er 23 ára.