Pearce tekur líklega við U-21 árs liði Englands

Stuart Pearce, knattspyrnustjóri Manchester City, hefur samþykkt að taka við stjórn enska U-21 árs landsliðsins í fótbolta. Hins vegar er ekki orðið endanlega ljóst hvort hann taki við liðinu þar sem forráðamenn Man. City og enska knattspyrnusambandsins þurfa að ná samkomulagi.

"Mér hefur verið boðið starfið og ég hef samþykkt að taka það að mér. Nú er það undir félaginu komið hvort að ég fái að þjálfa unglingalandsliðið," sagði Pearce í dag.

Peter Taylor, fyrrum þjálfari U-21 árs liðsins, lét af störfum fyrir skemmstu.