Öruggt hjá Blackburn

Blackburn varð í dag fyrsta liðið til að tryggja sér sæti í 16-liða úrslitum ensku bikarkeppninnar með auðveldum sigri á Luton á útivelli í dag, 4-0. Það var hinn ungi en bráðefnilegi framherji Matt Derbyshire sem stal senunni og skoraði þrennu.

Derbyshire skoraði fyrsta mark leiksins á 10. mínútu en Benni McCarty bætti öðru við á þeirri 37 eftir undirbúning Derbyshire. Hann bætti síðan við sínu öðru marki á 56. mínútu áður en Morten Gangst Pedersen innsiglaði öruggan sigur á 74. mínútu.