Rífast aldrei

Ashton Kutcher og Demi Moore fagna eins árs brúðkaupsafmæli sínu í næsta mánuði og heldur hinn 28 ára gamli Kutcher því fram að þau hjónin rífist aldrei.

Hann segir að lífið með 43ja ára gamalli eiginkonu sinni sé ánægjulegt og að þau ráði fram úr öllum deilum áður en þær verða að rifrildum. "Við rifumst einu sinni á fyrstu þremur mánuðum sambands okkar en síðan þá höfum við aldrei rifist," segir leikarinn og bætir við: "Ég hef aldrei reynt að breyta konunni minni og hún hefur aldrei reynt að breyta mér."