Þrír létust í hríðarbyl í New York

Þrír létust og þúsundir eru án rafmagns í Buffalo eftir að hríðarbylur gekk yfir New York ríki í gær. Rúmlega 60 sm snjór féll í miklu þrumuveðri á fimmtudag og föstudag, en það eru mestu snjóar í október síðan veðurstofan byrjaði mælingar fyrir 137 árum. Rafmagnsfyrirtæki áttu í miklum erfiðleikum að bæta úr rafmagsleysinu þar sem starfsmenn þeirra festust í snjónum eins og aðrir. 237,000 heimili voru án rafmagns klukkan 6 að staðartíma í morgun en þegar mest var voru 341,000 heimili og fyrirtæki rafmagnslaus. Blautur snjórinn braut greinar af trjám um gjörvallt vestur ríkið og skáru þannig á rafmagnslínur.