Líkbrennslur loks heimilaðar

Gríska þingið samþykkti í dag frumvarp þar sem líkbrennslur eru heimilaðar í fyrsta sinn í sögu landsins. Grikkir hafa skeggrætt málið í hartnær áratug en bið hefur orðið á framgangi þess þar sem gríska rétttrúnaðarkirkjan er líkbrennslum afar andsnúin þar sem mannslíkaminn er friðhelgur. Vegna andstöðu kirkjunnar var því ákveðið í bili að leyfa einungis að brenna lík fólks sem stendur utan hennar en stuðningsmenn frumvarpsins vonast engu að síður til að í fyllingu tímans munu hinir voldugu patríarkar skipta um skoðun.