Gumball 3000, kappakstur ríka og fræga fólksins, er kominn á fullt skrið

Gumball 3000, kappakstur ríka og fræga fólksins, er kominn á fullt skrið. Fyrsta sérleiðin var til Vienna og þaðan til Budapest og á morgun verður svo ekið til Belgrad. Gumball 3000 kappaksturinn er nú haldin í sjöunda sinn og í ár eru 240 þátttakendur skráðir til leiks eða 120 lið. Gumball 3000 er nútíma útfærsla á bíómyndinni Canonballrun það sem Burt Reinolds var í aðalhlutverki.

Fjórir Íslendingar eru skráðir á ráslista í keppninni en það eru Hannes Smárason Forstjóri FL Group sem ekur á Porsche, Ragnar Agnarsson á BMW M5 og Jón Ásgeir Jóhannesson, forstjóri Baugs group, og félagi hans Guðmundur Ingi Hjartarson keppa á Bentley sem mun vera einn flottasti bíllinn í þessari keppni. Fyrsti áfanginn var ekin í gær, en þá var ekið til Vienna og þaðan til Budapest og á morgun verður svo ekið til Belgrad. Kappaksturinn er ekki viðurkennd keppni svo keppendur geta auðveldlega komist í kast við lögin, virði þeir ekki hraðatakmarkanir á leið sinni en þegar hafa fjölmargir keppendur verið stöðvaðir á leiðinni.

Þeir félagar eru í góðum félagsskap með Pamelu Anderson, Hugh hefner, Snoop Dog, Adrien Broady og fjölmargra annarra leikara, tónlistarmanna og annarra stjarna. Já og það er sko ekki ókeypis að taka þátt í þessum kappakstri því þáttökugjaldið er um fimm og hálf milljón íslenskra króna, en einn af styrktaraðilum keppninnar er Icelandair.

Á næstu átta dögum munu keppendur þeytast milli þriggja heimsálfa og átta þjóðlanda í þremur áföngum en keppnin endar svo í Las Vegas þar sem keppendur aka um Dauðadalinn til Los Angeles og endar svo með allsherjar veislu sem Hug Hefner heldur á Playboy setri sínu.