Jagger í hnappelduna

Rokkarinn og söngvari hljómsveitarinnar Rolling Stones, Mick Jagger, hefur nú beðið fyrirsætunnar L'Wren Scott. Sást til hennar í búðarrölti með leikkonunni Nicole Kidman með risastóran demantshring á fingri og greinlega hamingjusöm á svipinn samkvæmt Daily Express. Skötuhjúin hafa nú þegar keypt sér risastórt einbýlishús í Chelsea saman.

Þetta hjónaband Jaggers er númer þrjú í röðinni en hann var giftur fyrirsætunni Jerry Hall í 23 ár og Biöncu Jagger í 9 ár. Jerry Hall er ekki alltof ánægð með ráðahaginn og segir L"Wren Scott bara vera eina af mörgum konum í lífi rokksöngvarans knáa. Jagger hefur verið iðinn við kolann í kvennamálum í gegnum tíðina og verið kenndur við margar frægar konur á borð við Umu Thurman, Marianne Faithfull og Carly Simons. Hann á sjö börn með fjórum konum og eru tvær dætur hans, Jade og Elizabeth, vinsælar fyrirsætur.