Demókratinn Johnson ekki í fleiri aðgerðir

Tim Johnson, öldungadeildarþingmaður demókrata, mun ekki þurfa á fleiri skurðaðgerðum að halda, að sögn skurðlæknis sem hefur annast hann frá því í gærkvöldi, þegar hann var lagður í skyndi inn á sjúkrahús með blæðingu á heila. Læknirinn gaf engar nánari upplýsingar um ástand Johnsons.

Ef Johnson nær sér ekki og þarf að láta af embætti þingmanns, missa demókratar að öllum líkindum meirihlutann í öldungadeildinni. Ríkisstjórinn í Suður-Dakóta, sem Johnson situr á þingi fyrir, er repúblikani og ef þingmaðurinn heltist úr lestinni, ræður ríkisstjórinn hver kemur í hans stað.