Suri í dagsljósið

Fyrstu ljósmyndirnar af Suri, barni Tom Cruise og Katie Holmes, voru birtar opinberlega í tímaritinu Vanity Fair í gær. Suri fæddist 18. apríl en hafði ekki sést opinberlega fyrr en í gær.

Alls voru 22 blaðsíður lagðar undir Suri og foreldra hennar. Meðal annars eru þar myndir af Katie Holmes liggjandi á bakinu haldandi á henni og af Cruise og Holmes þar sem Suri gægist upp úr leðurjakka Cruise.

Með myndbirtingunni hefur verið bundinn endi á þær vangaveltur sem hafa verið uppi um það hvers vegna engar myndir hefðu verið birtar af Suri. Meðal annars hefur verið leitt að því líkum að barnið hafi í raun og veru aldrei fæðst.

Vanity Fair borgaði ekkert fyrir myndirnar, öfugt við Angelinu Jolie og Brad Pitt sem létu ágóðann af myndum af barni sínu renna til góðgerðarmála.