Fimm manns létust í lestarslysinu

Nú er ljóst að færri létust í lestarslysinu í Frakklandi í gær en talið var í fyrstu og er tala látinna fimm, en ekki tólf eins og fréttaskýrendur greindu frá í gær.

Við áreksturinn lyftust sumir vagnanna upp og einn lenti ofan á öðrum með þeim afleiðingum að hann pressaðist saman. Tekist hefur að ná fjórum líkum af fimm, en ekki er ljóst hvort enn er fólk á lífi í rústunum. Fimm manns eru slasaðir, þar af tveir alvarlega.

Björgunarmenn unnu áfram í nótt í flaki tveggja hæða farþegalestarinnar sem skall á vöruflutningalest úr gagnstæðri átt nálægt landamærum Luxemborgar. Yfir þrjú hundruð björgunarmenn frá Lúxemborg og Frakklandi tóku þátt í aðgerðunum.