Robin Williams í meðferð

Robin Williams hefur skráð sjálfan sig í meðferð við áfengisfíkn eftir að hafa verið edrú í tuttugu ár. Samkvæmt yfirlýsingu talsmanns leikarans, Mara Buxbaum, vildi Williams sjálfur fara þessa leið eftir að hafa byrjað aftur að daðra við Bakkus fyrir skömmu. „Hann tekur þessa ákvörðun einn og óstuddur til þess að honum og fjölskyldu hans líði betur," segir í yfirlýsingunni.

Williams er af mörgum talinn vera einn fremsti leikari Hollywood og fékk meðal annars Óskars­verðlaunin fyrir leik sinn i Good Will Hunting árið 1997. Hann leikur aðalhlutverkið í kvikmyndinni Man of the Year en það er nýjasta mynd Barry Levinson. „Williams hlakkar til að koma aftur og aðstoða við kynningu nýjustu verka sinna."