Saman á ný

Rokkarinn og ólátabelgurinn Pete Doherty og ofurfyrirsætan Kate Moss eru byrjuð saman aftur, samkvæmt breska blaðinu Daily ­Mirr­or. Sást til þeirra skötuhjúa á útihátíð í Bretlandi þar sem þau leiddust og dönsuðu saman fyrir allra augum.

Pete mun vera himin­lifandi yfir að hafa fengið Moss tilbaka og segja vinir hans að ást hans til Kate hafi bjargað honum frá eiturlyfjadraugnum sem hann er á góðri leið með að losna við.

Doherty og Moss hafa verið stöðugt í fréttum síðustu misserin fyrir óheilbrigt líferni. Þau hafa verið sundur og saman og látið ýmis miður falleg orð falla um hvort annað. Einhvern veginn virðast þau þó alltaf ná aftur saman.