Músík bláa mannsins

Ekki er öll vitleysan eins úti í hinum stóra heimi. Hinir þöglu trumbuleikarar og röraþeytarar í The Blue Man Group sem sýnt hafa listir sínar víða um heim við fátíðar vinsælir hafa nú sett á markað einkar flippuð hljóðfæri sem gefa almenningi möguleika á að herma eftir þessum bláu mönnum.

Þegar er búið að hanna tvö hljóðfæri sem eiga án efa eftir að kæta marga. Hljómborðið er enginn venjulegur skemmtari en það býður upp á möguleika á að leika á gítar, píanó og blámannstrommur sem hljómavíst undurfurðurlega. Slagverksgræjan er heldur ekkert slor því skynjarar í tækinu nema hreyfingar tónlistarmannsins og framkallar margslungin hljóð.

Á heimasíðu sýningarinnar má finna ítarlegar upplýsingar um hönnun og möguleika hljóðfæranna en þau er til dæmis hægt að tengja við mp3-spilara eða iPod spilastokk og spila með uppáhaldslögunum sínum, taka herlegheitin upp og leika þau aftur og aftur. Tíu lög eru innbyggð í græjuna, þar af tvö lög sem hópurinn hefur endurútsett sérstaklega og notað í sýningarnar sínar.

Öflug hátalarakerfi er innbyggt í hljóðfærin svo aðrir fái notið dásemdanna

Bláu mennirnir skemmta nú í New York, Boston, Chicago, Las Vegas, London, Berlin og Toronto.