Mismunur pólitískur

Ísland gengur jafnvel lengra í því að taka upp regluverk Evrópusambandsins en sum aðildarríkin. Þetta er niðurstaða nýrrar rannsóknar sem gerð var við Evrópufræðasetrið á Bifröst.

Í umræðunni um stöðu Íslands gangnvart Evrópusambandinu og hið Evrópska efnahagssvæði, -er því gjarnan haldið fram, að litlu skipti hvort við göngum í sambandið, -við tökjum hvort eð er, yfir megnið af regluverki ESB í gegnum EES-samninginn og Schengen.

Fyrir tveimur árum sagði Halldór Ásgrímsson, þá utanríkisráðherra, í umræðu um Evrópumál:

"Alþingi hefur því ekki efnisleg áhrif á mótun yfir 80% af löggjöf ESB, sem Ísland er þó bundið að leiða í lög."

Í vor var hins vegar komið annað hljóð í strokkinn, reyndar hjá nýjum utanríkisráðherra, Davíð Oddssyni, sem sagði í svari við fyrispurn um innleiðingu EES-gerða að einungis: "um 6,5% af heildarfjölda ESB-gerða hafi verið teknar inn í EES samninginn."

En hvernig getur staðið á þessum mikla mun - eru menn að skoða sitt-hvorn hlutinn?

Eiríkur Bergmann Einarsson, evrópufræðasetrinu á Bifröst, segir staðreynda þá að báðar tölurnar komi frá sama utanríkisráðuneytinu. Einungis sé tveggja ára munur á yfirlýsingunum. Munurinn sé of mikill til að hægt sé að kenna um breyttu vinnulagi og því sé pólitísk breyta - það er afstaða ráðherranna tveggja - það eina sem geti skýrt muninn.