Töluverð aukning í sölu nautakjöts

Í ágúst. varð töluverð söluaukning á nautakjöti miðað við sama tíma í fyrra og nam salan 281 tonnum miðað við 269 tonn á síðasta ári. Ef litið er til sölu síðustu tólf mánuði hefur orðið örlítil aukning í sölu miðað við sambærilegt tímabil árið á undan en athygli vekur að þrátt fyrir meiri framleiðslu síðustu tólf mánuði en fyrir sama tímabil fyrir ári, hefur sláturgripum fækkað stórlega, eða um nærri eitt þúsund gripi. Sláturgripir í dag eru því töluvert þyngri en áður, að því er greinir frá á heimasíðu Landssambands kúabænda.