Spurt og svarað: Ríkissáttasemjari

Mikið hefur mætt á ríkissáttasemjara að undanförnu en deilu SFR og Samtaka fyrirtækja í heilbrigðisþjónustu lauk með milligöngu hans í síðustu viku sem og deilum í kjaramálum Starfsmannafélags Suðurnesja og einnig flugumferðarstjóra. Á sama tíma heyrast þær raddir að launahækkanir geti komið þjóðfélaginu um koll á þessum þenslutímum. Ásmundur Stefánsson er ríkissáttasemjari. <B>Hvaða mál eru nú á þínu borði?<P> Það eru meðal annara mál sveitarfélagana Akraness og Kópavogs sem hefur verið vísað til mín en Starfsmannafélag Suðurnesja samdi í síðustu viku. <B>Hvaða mál sérðu fyrir þér að komi inn á borð til þín?<P> Ég er í þeirri blessunarlegri stöðu að það vona allir að ég hafi sem allra minnst að gera. En það gæti vel farið svo að borgarstarfsmenn sem og læknar leiti til mín síðar í vetur en svo er það stóra málið en það eru samningar á almennum markaði sem verða endurskoðaðir seinna í haust en það er þó ekki af sérhlífni að ég vona að það komi ekki til minna kasta þá. <B>Hvernig ber ríkissáttasemjari sig að í kjaradeilum?<P> Í fyrsta lagi er boðið upp á aðstæður til fundarhalda deiluaðila hjá ríkissáttasemjara en þá kemur hann ekki að fundunum nema þá ef til hans er leitað til ráðgjafar til dæmis. Svo er málum vísað formlega til hans ef deiluaðilar komast hvorki lönd né strönd og þá boðar hann þá til funda og stjórnar viðræðunum. Hann reynir þá að draga fram nýja fleti þar sem menn geta byggt samkomulagið á.