Árangurinn óásættanlegur

"Við munum ráða fram úr þessum vanda," sagði Bush áður en hann lagði af stað í heimsóknina. "Og við ætlum að hjálpa þeim sem þurfa hjálp." Hann lýsti jafnframt óánægju sinni með hjálparstarfið til þessa og hve illa hafi gengið að koma matvælum og vatni til fórnarlamba á svæðinu. Hann gagnrýndi einnig að ekki hafi tekist að uppræta þjófnaði og glæpi í New Orleans. Hann sagðist vona að heimsókn hans myndi efla þrótt meðal björgunarmanna og þeirra sem enn eru fastir á svæðinu. Þá var vonast til þess að heimsókn hans myndi lægja óánægjuöldur og slá á vaxandi gagnrýni þess eðlis að hann hafi brugðist of seint og illa við. Bush hefur lofað rúmum tíu milljörðum Bandaríkjadala, um 650 milljarða íslenskra króna, til hjálparstarfsins