Voðalega glaður

"Ég segi fyrir mig að ég er voðalega glaður með þessa niðurstöðu en ég ætla ekki að gefa neitt út um aðra," segir Stefán Jón Hafstein um niðurstöðu skoðanakönnunar Fréttablaðsins sem sýnir að hann er annar á lista þeirra sem Reykvíkingar vilja helst fá sem borgarstjóra. "Ég er hins vegar hugsi yfir því hversu margir vilja ekki taka afstöðu og ég held það sýni að kosningabaráttan muni skipta afskaplega miklu máli á næstunni. Þetta er vísbending um stöðuna en með öllum þeim fyrirvörum sem gera verður. " Síðasta föstudag lýsti Stefán Jón yfir framboði sínu til fyrsta sætis á lista Samfylkingarinnar fyrir borgarstjórnarkosningar næsta vor. Þar tekst hann á við Steinunni Valdísi Óskarsdóttur borgarstjóra.