Stóra verkefnið að sigra í vor

"Ég er þakklátur fyrir þessa könnun og finnst gaman að sjá að fólk hefur trú á mér sérstaklega að því að könnunin var tekin áður en ég lýsti því yfir að ég stefndi á fyrsta sætið í prófkjöri Sjálfstæðisflokksins," segir Gísli Marteinn Baldursson. "En að öðru leyti ráðast kosningarnar ekki í svona könnunum heldur þegar talið er upp úr kjörkössunum og stóra verkefnið er að samhentur hópur Sjálfstæðisflokksins sigri í borgarstjórnarkosningunum í vor. Stóra verkefnið hjá okkur sjálfstæðismönnum núna er þess vegna að velja sigurstranglegan lista sem getur aflað hinni góðu málefnastöðu sem við höfum, meirihlutafylgis meðal borgarbúa," segir Gísli Marteinn Baldursson.