Fjöldi eiturlyfjafíkla þrefaldast

Fleiri á biðlistum eftir vímuefnameðferð deyja en áður, og fíklarnir eru veikari nú en nokkru sinni fyrr, að sögn yfirlæknis á Vogi. Fjöldi eiturlyfjafíkla hefur þrefaldast hér á landi á síðustu tíu árum. Vímuefnavandinn hefur aldrei verið meiri á Íslandi enn hann er nú. Ólöglegi vímuefnamarkaðurinn hefur þróast mikið síðustu tíu ár og þeir sem þar ráða ríkjum nýta sér alla tiltæka hátækni í lyfjafræði, fjarskiptum og flutningum. Í ársriti SÁÁ er farið yfir þróun vímuefnaneyslu síðustu tíu árin. Þórarinn Tyrfingsson, yfirlæknir, segir að áberandi sé að örvandi vímuefneysla í aldurshopnum 25-30 ára hafi aukist til muna. Hann sagði að amfetamín, kókaín, og e-pilluneysla hafi aukist undanfarin tíu ár. Hann sagði að rúmlega 60% þeirra sem hafa leitað sér meðferðar milli tvítugs og þrítugs eru háðir einvherju þessara efna. Þeir sem eru að leita sér meðferðar eru veikari og verr á sig komnir en áður. En á sama tíma hefur nýgengi eða nýjum tilfellum fækkað sérsaklega meðal ungs fólks. Hann sagðist vonast til þess að það sé vísbending um að meðferðaraðilar nái betur utan um vandann. En til þess að gera það þá þarf að auka fjármuni til þess að koma af stað meiri mferð Neysla vímuefna er fjölþættari og vandi þeirra sem glíma við fíkniefni er orðinn erfiðari og þeim hefur fjölgað sem ekki lifa af biðina eftir meðferð. Þórarinn sagði að skugghliðirnar væru þær að skyndiþjónusta hefur dregist saman og á þessu ári hafa fleiri dáið á biðlistanum en áður. Á hverju ári eru um eitt hundrað manns sem eru á biðlista eftir meðferð. Nú eftir sumarleyfi starfsmanna SÁÁ og Verslunarmannahelgina er gífurleg aðsókn í meðferðarstofnanir. Samkvæmt útreikningum samtakanna er hátt í 22 prósent líkur á karlmaður þurfi að leita sér áfengis- eða fíkniefnameðferðar yfir ævina og hátt í tólf prósent líkur fyrir konur.