Stefán Jón vill fyrsta sætið

Stefán Jón Hafstein hefur ákveðið að sækjast eftir fyrsta sæti á framboðslista Samfylkingar. "Ég hef ákveðið að gefa kost á mér í fyrsta sæti á framboðslista Samfylkingarinnar í komandi borgarstjórnarkosningum. Ég hlaut mjög afgerandi og mikinn stuðning í það sæti í prófkjöri fyrir síðustu kosningar, og í kjölfarið hef ég gegnt mörgum ábyrgðarstöðum í borgarstjórn," segir Stefán Jón. Steinunn Valdís Óskarsdóttir borgarstjóri sækist einnig eftir fyrsta sæti á listanum.