Svipt leyfi vegna útlendingahaturs

Útvarpsstöð í Danmörku hefur verið svipt útvarpsleyfi í þrjá mánuði fyrir að ala á útlendingahatri. Stöðin heitir Radio Holgeir og er þar vísað til goðsagnarinnar um Holgeir danska, sem á að vakna til þess að verja Danmörku, þegar hætta steðjar að. Í þætti á útvarpsstöðinni sagði þáttastjórnandinn að aðeins væru tvær leiðir til þess að koma í veg fyrir hryðjuverk. Annaðhvort væri að reka alla múslima frá Vestur Evrópu, eða þá að drepa alla islamska öfgamenn, sem þýddi að drepa þyrfti stóran hluta af öllum innflytjendum.