Ys og þys vegna breytinga

"Ég var nýbúin að læra á það hvaða vagna ég ætti að taka og svo fór ég í vikufrí og þá er allt breytt og ég þarf að læra allt upp á nýtt," sagði Inga Berghäuser sem vissi ekki hvaðan á sig stóð veðrið þegar hún beið eftir sínum vagni á Hlemmi í gær. Hún var þó ekki ein um það því farþegar sem og bílstjórar Strætó þurftu að gíma við nýjar aðstæður í gær. "Við erum að bíða eftir vagni sem átti að vera kominn fyrir korteri en það er svo gott veður að það skiptir ekki máli," sagði Auður Ólafsdóttir sem þreytti biðlund sína á Hlemmi. Daniel Einarsson sem ók tvistinn hafði verið kallaður úr sumarfríi og fékk einn kynningarrúnt áður en hann fór að keyra áður óþekkta leið. "Við gömlu refirirnir í bransanum látum ekkert okkur fyrir brjósti brenna, það getur verið að hinir yngri séu eitthvað að kvarta," sagði Daniel sposkur. Þorbjörg Kristjánsdóttir sem sér um upplýsingar Strætó á Helmmi hafði í nógu að snúast og sagði að fjölmargir hefðu farið á mis við upplýsingabæklinga sem þó átti að dreyfa í hvert hús. Hún var ekki ein um að veita upplýsingar því fjölmargir farþegar spurðu bílstjóra spörunum úr en þeir voru fjölmargir við Hlemm þegar blaðamann bar að. Nokkrir bílstjórar sem blaðamaður talaði við sagði að ekki væri von á öðru en eitt og annað færi úrskeiðis á fyrsta degi þar sem breytingarnar væru róttækar. Nokkrir vegfærendur kvörtuðu yfir því að hafa ekki fengið upplýsingabæklinga og aðrir sögðu upplýsingar ekki vera til staðar í biðskylum í sínu hverfi. Ásgeir Eiríksson framkvæmdastjóri Strætó segir að upplýsingabæklingar hafi átt að berast í hvert hús með Fréttablaðinu í síðustu viku og að fyrirtækið hafi sent menn til að bera út bælinga í þeim hverfum þar sem ekki voru blaðberar til taks. Hann segir það rétt að ekki hafi náðst að setja tímatöflur í öll biðskýli en segir að þær verði kominar á alla staði í dag. Hann segir að vel hafi tekist til á þessum fyrsta virka vinnudegi þó nokkrar tafir hafi orðið en við slíku má búast, segir hann, þegar svo viðamiklar breytingar eru að ganga í garð.