Robert Pires meiddur

Robert Pires, miðjumaður hjá Arsenal, var tæklaður illa af David Prutton í leik gegn Southampton á laugardaginn var. Prutton, sem hafði fengið áminningu fyrr í leiknum, var vikið af leikvelli fyrir brotið. Pires var fluttur á sjúkrahús en Arsenalmenn óttuðust að hann yrði frá í töluverðan tíma. Í ljós kom að hann reyndist hvorki brotinn né brákaður en hins vegar illa tognaður. "Hann verður sennilega ekki með á ný fyrr en eftir tvær til þrjár vikur," sagði Arsene Wenger, knattspyrnustjóri Arsenal. Pires missir því af leik Arsenal gegn Bayern Munchen í næstu viku sem er mikið áfall fyrir Arsenalmenn.