Beckham ætlar sér í form

David Beckham, fyrirliði enska landsliðsins í knattspyrnu, segir að hann líti á vináttuleikinn gegn Dönum í kvöld sem kærkomið tækifæri til að koma sér í form. Leikurinn er í beinni útsendingu á Sýn og hefst kl. 18:00. "Þessi leikur mun hjálpa mér að bæta leikformið fyrir tímabilið með Real Madrid. Auðvitað vill ég vinna leikinn en ég ætla að nota þann tíma sem ég spila eins vel og ég get," segir Beckham sem mun kljást við samherja sinn hjá Real, Thomas Gravesen, á miðjunni í leiknum. "Gravesen er einn af mörgum góðum leikmönnum Danmerkur. Þeir hafa verið í mikilli framför og mynda mjög gott lið," segir Beckham.