Fjórar Harrier herþotur lentu í Reykjavík

Fjórar Harrier herþotur frá breska flughernum lentu í Reykjavík kl 14:57 í dag. Á vef Flugmálastjórnar segir að þoturnar hafi verið að koma frá Kinnloss á Bretlandseyjum á leið til Keflavíkur. Þar gátu þær hins vegar ekki lent vegna lélegs skyggnis. Flugvélarnar munu taka eldsneyti í Reykjavík og halda svo til Keflavíkur um leið og veðurskilyrði leyfa. Margir höfðu samband við flugmálastjórn og spurðust fyrir um sprengjur sem þeir töldu sig sjá á vængjum flugvélanna. Þar fengu þeir þær upplýsingar að ekki væru um sprengjur að ræða heldur eldsneytistanka.