Fátækir verði útilokaðir

Danmörk Mannréttindastofnun Danmerkur hefur gagnrýnt væntanlegt frumvarp um veitingu ríkisborgararéttar í landinu. Ríkisstjórnin og Danski þjóðarflokkurinn hyggjast leggja fram frumvarp um strangari skilyrði fyrir veitingu réttarins en nú gilda.

Í frumvarpinu er gert ráð fyrir að umsækjendur hafi haft fasta vinnu í fjögur ár af síðustu fimm. Telur Mannréttindastofnunin að með þessum breytingum verði of erfitt að sækja um ríkisborgararétt. Helmingi færri muni fá ríkisborgararétt eftir lagabreytinguna og þeir fátækustu verði útilokaðir.