Gögn um árás þriggja ára gömul

Gögn sem Bandaríkjamenn studdust við þegar öryggisviðbúnaður var aukin í New York og Washington um helgina, eru að minnsta kosti þriggja ára gömul. Í dagblöðunum The New York Times og Washington Post í dag kemur fram að enn sé verið að fara í gegnum gögn sem lagt var hald á í síðasta mánuði þegar leyniþjónustan gerði áhlaup á aðsetur al Qaeda liða í Pakistan. Skýrslur, tölvur og teikningar sem fundust hjá tölvusérfræðingnum Abu Alha voru að mestu leyti frá árásunum ellefta september 2001. Blöðin greina frá því að yfirvöld séu ekki viss hvort al-Qaeda séu enn að safna gögnum vegna undirbúnings hryðjuverkaárása.