Þurfa nýjan þjóðsöng

Serbía og Montenegro, einu ríki fyrrum Júgóslavíu sem enn eru í ríkjasambandi, reka nú á eftir því að samþykkt verði nýr þjóðsöngur ríkjanna til að forðast hróp og niðurköll á Ólympíuleikunum, en það þykir mjög líklegt ef spilaður verði gamli þjóðsöngur Júgóslavíu. Ekki er víst að það náist að sannfæra bæði þingið og ólympínefndina fyrir opnun Ólympíuleikanna þann 13. ágúst. Átökin í Júgóslavíu á tíunda áratugnum voru þau verstu í Evrópu frá seinni heimstyrjöldinni. Þá börðust Serbar og Montenegríu búar við aðra íbúa Júgóslavíu frá Slóveníu, Króatíu og Bosníu. Júgóslavía hvarf síðan af kortum heimsins árið 2002. Síðan þá hafa íbúar Serbíu og Montenegro púað í hvert sinn sem þjóðsöngur Júgóslavíu er spilaður á íþróttaleikjum. Þetta þykir auðvitað nokkuð vandræðalegt fyrir löndin.