Viðskipti innlent

Jákvæður kortajöfnuður í fyrsta sinn síðan 2001

Heildarúttekt af erlendum kortum hér á landi í júní nam 6,2 milljörðum kr. í júní mánuði sem er 1,2 milljarði kr. meira en Íslendingar tóku út af sínum kortum á erlendri grundu í sama mánuði. Þetta er í fyrsta sinn síðan farið var að taka þessar tölur saman árið 2001 að kortanotkun útlendinga hér á landi hefur slegið út kortanotkun Íslendinga í útlöndum.

Viðskipti innlent

Erlendum ríkisborgurum á atvinnuleysisskrá fækkar hratt

Erlendum ríkisborgurum sem eru án atvinnu hefur fækkað samfellt þrjá undanfarna mánuði. Í lok júní voru alls 1.800 erlendir ríkisborgarar án atvinnu samkvæmt upplýsingum Vinnumálastofnunar og er það töluverð fækkun frá fyrri mánuði þegar 2.000 erlendir ríkisborgarar voru án atvinnu.

Viðskipti innlent

Endurfjármögnun erlendra skulda gæti orðið nokkuð torsótt

Hagfræðideild landsbankans gerir greiðsluflæði gjaldeyris að umtalsefni sínu í vefritinu Hagsjá þar sem fjallað er um erlenda skuldastöðu þjóðarbúsins og útreikninga Seðlabankans þar að lútandi. Telur hagfræðideildin að endurfjármögnun erlendra skulda fyrirtækja og hins opinbera geti orðið nokkuð torsótt.

Viðskipti innlent

Umtalsverð lækkun fasteignaverðs í pípunum

Engan þarf að undra að landsmenn stundi ekki mikil viðskipti með íbúðir um þessar mundir. Íbúðaverð hefur nú lækkað um 30% að raunvirði frá því að það náði hápunkti í árslok 2007 og væntingar eru á þann veg að enn sé umtalsverð lækkun íbúðaverðs í pípunum.

Viðskipti innlent

Ný ríkisbréf til tveggja ára væntanleg

Helstu tíðindin í tilkynningunni um útboð ríkisbréfa á föstudag eru að væntanlega líti dagsins ljós nýr flokkur ríkisbréfa til tveggja ára. Auk hans er óskað eftir tilboðum í tvo skuldabréfaflokka, lengsta ríkisbréfaflokkinn og þann þriðja lengsta. Þetta kemur fram í greiningu Íslandsbanka.

Viðskipti innlent

Erlend skuldastaða þjóðarbúsins 198% af landsframleiðslu

Heildarskuldir þjóðarbúsins í erlendri mynt nema 2.832 milljónum króna samkvæmt mati Seðlabankans sem kynnt var í dag. Seðlabankinn býst við að verg landsframleiðsla muni nema 1.427 milljónum króna á þessu ári. Miðað við þessar tölur er hlutfall skulda af vergri landsframleiðslu rúmlega 198 prósent.

Viðskipti innlent

Einn milljarður í veltu á fasteignamarkaði á viku

Alls voru gerðir 153 samningar um kaup á íbúðarhúsnæði á höfuðborgarsvæðinu í júní samkvæmt upplýsingum Fasteignaskrár Íslands. Í Morgunkorni Greiningar Íslandsbanka segir að þetta nemi því að í hverri viku í júní hafi verið gerðir að meðaltali 38 samningar og nam veltan í viku hverri að meðtaltali rétt rúmlega einum milljarði króna. Í 40% tilvika var hluti kaupverðs greiddur með annarri fasteign.

Viðskipti innlent

Krónan lækkaði um 0,25% í dag

Lítil breyting varð á millibankamarkaði með krónur í dag og veiktist gengi krónunnar um 0,25% í litlum viðskiptum. Gengisvísitalan stendur nú í 233 stigum samkvæmt gjaldeyrisborði Kaupþings.

Viðskipti innlent

Áfengisverð hefur hækkað um 40% á einu ári

Sala á áfengi í júní mánuði dróst saman um 13% miðað við sama mánuð í fyrra og um 17% frá fyrri mánuði, en þennan mikla samdrátt í sölu áfengis í júní má eflaust rekja til verðhækkana á áfengi í kjölfar hækkunar opinberra gjalda á áfengi. Verð á áfengi hefur hækkað um tæplega 40% á einu ári.

Viðskipti innlent

Atvinnulausum erlendum ríkisborgurum fækkar

Erlendum ríkisborgurum sem eru án atvinnu hefur fækkað samfellt undanfarna þrjá mánuði. Greiningadeild Íslandsbanka gerir málið að umfjöllunarefni í Morgunkorni sínu. „Í lok júní voru alls 1.800 erlendir ríkisborgarar án atvinnu

Viðskipti innlent

Mat á erlendri skuldastöðu ríkisins kynnt á morgun

Seðlabankinn mun á morgun kynna opinberlega mat sitt á erlendri skuldastöðu ríkisins en Fréttablaðið greindi frá því í morgun að skuldir ríkisins væru tvöföld landsframleiðsla. Fyrst munu niðurstöðurnar verða kynntar fyrir stjórnarflokkunum og síðar um daginn mun matið ásamt lögfræðiálitum Seðlabankans verða kynnt opinberlega.

Viðskipti innlent

Erlendar skuldir ríkisins 200% af landsframleiðslu

Eins og Fréttablaðið greindi frá í morgun nema erlendar skuldir ríkisins 200 prósentum af vergri landsframleiðslu Íslands samkvæmt nýju mati Seðlabankans. Helgi Hjörvar, formaður efnahags- og skattanefndar, vildi ekkert tjá sig um málið við fréttastofu þegar leitað var til hans í morgun.

Viðskipti innlent

Mikill áhugi á ríkisvíxlum

Áhugi fjárfesta á fjögurra mánaða ríkisvíxlum í útboði í morgun var nokkuð meiri en í fyrri útboðum ársins. Alls bárust tilboð að fjárhæð 66,5 milljarðar króna en það sem af er ári hafa borist tilboð á bilinu 50 til 60 milljarðar króna, fyrir utan útboð í febrúar sem nam 23 milljörðum og í júní þegar eftirspurnin nam 17 milljörðum króna. Tilboðum var tekið fyrir 40 milljarða sem er ríflega tvöfalt meira en verið hefur að jafnaði á árinu.

Viðskipti innlent

Segir Valitor mismuna viðskiptavinum sínum

„Valitor hefur ekkert lært af reynslunni og heldur áfram að nýta sér markaðsráðandi stöðu sína með ólöglegum aðgerðum,“ segir Jóhannes Ingi Kolbeinsson, framkvæmdastjóri Kortaþjónustunnar. Eins og fram kom á Vísi fyrr í dag hefur Kortaþjónustan sent kvörtun til Samkeppniseftirlitsins þar sem Valitor er sakað um margvísleg og ítrekuð brot á samkeppnislögum.

Viðskipti innlent

Mest lesið