Búnaðarbankinn var einkabanki þegar Björgólfarnir fengu lánin

Lán Búnaðarbanka Íslands til Björgólfs Guðmundssonar og Björgólfs Thors Björgólfssonar og fjallað hefur verið um í fjölmiðlum að undanförnu, var veitt í apríl 2003, segir Magnús Gunnarsson, fyrrverandi formaður bankaráðs Búnaðarbanka Íslands. „Þá hafði ríkið selt bankann og nýir eigendur skipað nýtt bankaráð. Síðar var Búnaðarbankinn sameinaður Kaupþingi," segir Magnús í yfirlýsingu sem hann sendi frá sér vegna málsins.

Töluvert hefur verið rætt um lán sem Samson, sem var eignarhaldsfélag Björgólfsfeðga, fékk hjá Búnaðarbankanum til kaupa á Landsbankanum þegar síðari bankinn var einkavæddur fyrir nokkrum árum. Einkum eftir að fréttir bárust af því að Björgólfsfeðgar, sem eru í persónulegri ábyrgð fyrir láninu gerðu Kaupþingi tilboð sem felur í sér verulegar afskriftir af láninu.