Erlent

Páfi fagnar nýjum stofnfrumum

Páfagarður fagnaði því í dag að fundist hefði ný leið til þess að rækta stofnfrumur án þess að nota fósturvísa. Í yfirlýsingu frá Páfagarði segir að það geti hjálpað til við læknisrannsóknir án þess að ganga í berhögg við kaþólska trú.

Undirskriftalisti gegn samkynhneigðum

Bresk trúfélög hafa tekið höndum saman um að reyna að stöðva nýja löggjöf um réttindi samkynhneigðra. Félögin ætla að afhenda Elísabetu drottningu undirskriftalista, og standa með kyndla við lávarðadeildina þegar málið verður tekið fyrir þar.

Shalit sagður við góða heilsu

Herskáu samtökin PRC í Palestínu, sem rændu ísraelska hermanninum Gilad Shalit í júní í fyrra, greindu frá því í dag að hann væri við góða heilsu og að þau væru reiðubúin að halda honum í mörg ár ef ekki yrði orðið við kröfum þeirra.

Yfir 30 fórust í flugslysi í Írak

ETA lýsir yfir ábyrgð á tilræði á Madrídarflugvelli

Aðskilnaðarsamtök Baska, ETA, segjast bera ábyrgð á bílsprengju sem sprakk á Madrídarflugvelli fyrir tíu dögum þar sem tveir menn létust. Samtökin birtu yfirýsingu þessa efnis í dagblaðinu Gara en þar birtast jafnan sjónarmið ETA.

Hlýjasta ár sögunnar

Framkvæmdastjórn Evrópusambandsins kynnir á morgun umfangsmiklar tillögur um framtíðarskipan orkumála innan sambandsins sem verður liður í baráttuáætlun sambandsins gegn loftslagsbreytingum. Því er spáð að árið 2007 verði það hlýjasta í sögunni.

Ráðist á þorp í Sómalíu

Bandaríkjaher gerði í nótt loftárásir á þorp í Sómalíu þar sem talið var að liðsmenn al-Qaeda hryðjuverkasamtakanna hefðust við. Vitni segja fjölmarga almenna borgara hafa fallið í árásunum. Bandaríkjamenn hafa ekki viljað tjá sig um aðgerðir næturinnar. Íslamskir uppreisnarmenn, sem hefur verið líkt við Talíbana og Bandaríkjamenn telja hafa tengsl við al-Kaída hryðjuverkasamtökin, náðu stórum hluta Sómalíu á sitt vald í fyrra. Skömmu fyrir jól réðust eþíópískar hersveitir inn í landið með stuðningi sómalískra stjórnvalda og hröktu þá á flótta. Það var svo í morgun sem fréttir bárust af árás á þorpið Badel þar sem talið var að hryðjuverkamenn úr röðum al-Kaída hefðust við. Bandarískar hersveitir sendu í nótt af stað þungvopnaða, fjögurra hreyfla herflugvél til árása. Vél sem þessi eirir engu á stóru svæði þegar vopnum hennar er beytt. Fulltrúar sómalískra stjórnvalda segja marga hafa fallið. Bandaríkjamenn hafa ekki tjáð sig um árás næturinnar en búist var við tilkynningu frá varnarmálaráðuneytinu síðar í dag. Árásin í nótt er fyrsta opinbera hernaðaraðgerð Bandaríkjamanna í Sómalíu frá árinu 1994 þegar átján bandarískir hermenn féllu í höfuðborginni, Mogadishu. Þorpið sem ráðist var á í nótt er nærri landamærunum að Kenýa og sagt síðasta vígi uppreisnarmanna í Sómalíu. Í gær var greint frá því að eþíópískar og sómalískar hersveitir væru nærri því að leggja það undir sig. Ætla má að það reynist auðvelt eftir aðgerðir næturinnar. Abdullahi Yusuf, forseti Sómalíu, segist styðja aðgerðir Bandaríkjamanna. Þeir hafi rétt til að ráðast gegn hryðjuverkamönnum sem beri ábyrgð á árásum gegn sendiráðum þeirra í Kenýa og Tansaníu. Grunur leikur á að einhverjir þeirra sem fallið hafi í nótt hafi átt þátt í þeim árásum árið 1998 sem kostuðu 250 manns lífið.

Snarpur skjálfti í Norðursjó á sunnudag

Öflugur jarðskjálfti varð í Norðursjó aðfaranótt sunnudagsins og fannst víða á vesturströnd Noregs. Fram kemur vef Aftenposten að skjálftinn hafi verið 4,8 á Richter og er hann sá stærsti sem mælst hefur í Norðursjó í nærri tuttugu ár.

Lífshættuleg iðja meðal bandarískra ungmenna

Stórhættulegur leikur breiðist nú út meðal ungra Bandaríkjamanna sem komnir eru með bílpróf. Sá hefur verið nefndur draugareið og lýsir sér í því að ungmenni stökkva út úr bílnum eða upp á bílinn á ferð án þess að nokkur sé við stýrið og dansa við háværa tónlist í hljómflutningstækjum bílsins.

Vilja ræða við Rússa um olíuflutninga

Evrópusambandið hefur boðið Rússum til viðræðna um olíuflutninga um Rússland. Sambandið vill með þessu reyna að leysa þá deilu sem uppi er og leitt hefur til þess að skrúfað hefur verið fyrir olíuflutninga til ýmsra ríkja í Evrópu.

Svínsleg aðför

Breskur landbúnaðarverkamaður var fluttur á sjúkrahús eftir að hafa orðið fyrir árás svínahjarðar, um síðustu helgi. Stór og feit gylta velti manninum um koll og réðist samstundis á hann, þar sem hann lá í stíunni. Hin svínin lögðu þá einnig til atlögu.

Margt sem ógnar friði í heiminum

Áður óþekktar ógnir steðja að friði í heiminum og mikilvægt er að Sameinuðu þjóðirnar séu í stakk búnar til að takast á við þær. Þetta sagði Ban Ki-moon, nýr aðalritari Sameinuðu þjóðanna, í ræðu sinni í gær en hún er jafnframt sú fyrsta sem hann heldur í öryggisráðinu.

Olmert í heimsókn í Kína

Ehud Olmert, forseti Ísraels, hóf þriggja daga opinbera heimsókn sína til Kína í dag. Tilgangur hennar er að að efla efnahagsleg- og hernaðarleg bönd ríkjanna.

Bandaríkjaher gerði loftárásir á þorp í Sómalíu

Bandaríkjaher gerði í nótt loftárásir á þorp í Sómalíu þar sem meintir meðlimir Al-Kaída samtakanna höfðust við. Vitað er að einhverjir létu lífið í árásinni en tala látinna hefur ekki verið staðfest.

Ræktuðu stofnfrumur úr legvatni

Bandarískir vísindamenn segjast hafa uppgötvað nýja leið til að komast yfir stofnfrumur, sem gætu þegar fram líða stundir gert við sködduð líffæri í mönnum.

Bildt sakaður um að hafa þegið mútur frá stórfyrirtæki

Rannsókn er nú hafin í Svíþjóð á ásökunum um að Carl Bildt utanríkisráðherra hafi þegið mútur af rússnesku fyrirtæki sem á stóran hlut í gasrisanum Gazprom. Sjálfur segir hann ásakanirnar „tómt bull“.

Bandarísk og bresk olíufyrirtæki hagnast

Vestræn olíufyrirtæki munu hagnast verulega á Íraksstríðinu ef nýtt frumvarp íraskra stjórnvalda verður að lögum.

Stefnan kynnt annað kvöld

George W. Bush Bandaríkjaforseti ætlar seint á miðvikudagskvöld að skýra frá nýrri stefnu sinni í málefnum Íraks, sem hann hefur haft í mótun allt frá því að repúblikanar biðu ósigur í þingkosningunum í nóvember.

Hvít-Rússar skrúfa fyrir olíu til Evrópu

Þýskaland, Pólland og Úkraína fá ekki lengur olíu frá Rússlandi í gegnum Hvíta-Rússland vegna deilu Rússa og Hvít-Rússa um olíuverð.

Víkingagrafir frá níundu öld

Norskir fornleifafræðingar hafa fundið grafir frá níundu öld á Fröyland á Rogalandi, sem reyndust geyma mjög marga merka muni heldra fólks frá víkingaöld.

Dularfullur fugladauði

Miðborg Austin í Texas var lokað í gær eftir að tugir fugla fundust þar dauðir. Ekki er vitað af hverju fuglarnir drápust allir á svipuðum tíma en málið er í rannsókn.

Sótt að síðasta vígi skæruliða

Síðasta vígi skæruliða íslamista var við það að falla eftir umsátur hermanna sómölsku bráðabirgðastjórnarinnar og Eþíópíuhers, að því er sómalski varnarmálaráðherrann greindi frá í gær.

Áin of menguð til að baða sig í

Þúsundir Hindúa hótuðu í gær að sniðganga hátíðlegar athafnir þar sem pílagrímar þvo burt syndir sínar í ánni Ganges í Indlandi vegna þess hve hin heilaga á er orðin menguð vegna úrgangs frá verksmiðjum og skolps frá borgum meðal annars.

Áfengislykt af flugáhöfninni

Flugmaður, aðstoðarflugmaður og fimm aðrir úr áhöfn úkraínskrar flugvélar voru kyrrsettir á norskum flugvelli í gær vegna gruns um að þeir væru ölvaðir á leið í flug.

Vísbending um horfnu þotuna

Talið er að málmur sem fannst á hafsbotninum við Sulawesi-eyjar geti verið úr indónesísku farþegaþotunni sem hvarf á nýársdag með 102 manns innanborðs. Er þetta fyrsta vísbendingin um afdrif vélarinnar sem sendi ekkert neyðarkall áður en hún hvarf af ratsjám.

Ný ríkisstjórn í Austurríki

Tveim stærstu stjórnmálaflokkum Austurríkis, Jafnaðarmannaflokknum og Þjóðarflokknum, hefur tekist að ná samkomulagi í stjórnarmyndunarviðræðum sem hófust fyrir þremur mánuðum.

Miklar efasemdir um Monu Sahlin

Félagar í sænska Jafnaðarmannaflokknum eru mjög klofnir í afstöðu sinni til þess hvort þeir kæri sig um að Mona Sahlin verði næsti leiðtogi flokksins. Flokkurinn leitar nú að arftaka Görans Persson, sem farið hefur fyrir flokknum síðan árið 1996, en hann ákvað að draga sig í hlé eftir tapið í þingkosningunum í haust.

Fimmtán á reki í níu daga

Fimmtán manns var bjargað í gær skammt frá eyjunni Jövu eftir að hafa dvalið í björgunarbát í níu daga frá því að indónesísk ferja sem fólkið var á sökk með meira en 600 manns innanborðs. Einn þeirra lést stuttu eftir björgun um borð í flutningaskipið.

20 þúsund hermenn í viðbót til Íraks

George W. Bush, forseti Bandaríkjanna, hefur ákveðið að fjölga í herliði Bandaríkjanna um 20 þúsund hermenn en þetta fullyrti öldungardeildarþingmaður sem hitti forsetann í kvöld. Bush sagði þingmanninum að áætlunin um að auka fjölda hermanna væri væri komin frá forsætisráðherra Íraks, Nuri al-Maliki.

3,7 milljónir flóttamanna flúið heimili sín í Írak

Flóttamannastofnun Sameinuðu þjóðanna sagði í dag að allt að 3,7 milljónir manna hefðu flúið heimili sín í Írak vegna ástandsins sem þar ríkir. Talið er að um 50 þúsund bætist í hópinn á hverjum mánuði. Konur hafa einnig neyðst út í vændi og frásagnir af þrælkunarvinnu barna verða háværari.