Erlent

Hundrað ára fangelsi

Bandarískur herdómstóll dæmdi í gær Paul E. Cortez, 24 ára bandarískan hermann, í 100 ára fangelsi fyrir að hafa í mars á síðasta ári, ásamt fjórum félögum sínum, nauðgað 14 ára íraskri stúlku og síðan myrt bæði hana og fjölskyldu hennar.

Erlent

Eldur braust út í ferju á hafi úti

Að minnsta kosti sextán manns létust þegar eldur braust út í ferju í Javahafi á Indónesíu á fimmtudaginn. Hundruð manna þurftu að stökkva í sjóinn til að forða sér frá eldinum, sumir með smábörn í fanginu.

Erlent

Ný ríkisstjórn líklega mynduð á morgun

Forseti Ítalíu ráðfærði sig í dag við leiðtoga stjórnmálaflokka í landinu til að reyna að leysa pólitískan hnút sem upp er kominn eftir að Romano Prodi forsætisráðherra sagði af sér á miðvikudaginn eftir níu mánaða valdatíð.

Erlent

Simpansar veiða með vopnum

Sést hefur til simpansa í Senegal sem nota spjót til að veiða sér til matar. Alls hafa vísindamenn skásetta á þriðja tug dæma um þetta. Simpansarnir nota trjágreinar sem þeir tálga með tönnunum. Vísindamennirnir segja þetta merkilega uppgötvun sem geti að einhverju leyti varpað nýju ljósi á þróun mannkyns.

Erlent

Tígrisdýr drap stúlku í dýragarði

Sex ára stúlka dó þegar tígrísdýr beit hana í dýragarði í Kunming í suðvesturhluta Kína í dag. Stúlkan var að sitja fyrir á mynd þegar tígrísdýrið fældist við leifturljós myndavélarinnar og beit stúlkuna í höfuðið.

Erlent

Senda þúsund hermenn til Afganistan

Bretar ætla að senda þúsund hermenn til viðbótar til Afganistan. Des Browne varnarmálaráðherra Bretlands staðfesti þetta í kvöld. Hermönnunum er ætlað að aðstoða við að hrinda sókn Talibana í landinu sem hafa gert usla undanfarnar vikur.

Erlent

Síðasta tækifæri friðar

Abdullah konungur Jórdaníu segir lítinn tíma mega fara til viðbótar í friðarferlið fyrir botni Miðjarðarhafs. Hann segir tækifærið sem nú hefur skapast við myndun þjóðstjórnar Palestínumanna ef til vill það síðasta sem gefst og því þurfi að vanda til verka. „Nú geta orðið þáttakil. Ég hef á tilfinningunni að þetta geti orðið allra síðasta tækifæri okkar til að tryggja frið", sagði Abdullah í sjónvarpsávarpi í kvöld.

Erlent

Enn óveður á Norðurlöndum

Frændur vorir á Norðurlöndunum glíma enn við óveður, líkt og síðustu daga, og nú hafa Svíar og Norðmenn bæst í hóp Dana við að moka, keðja og bölva ofankomunni. Miklar tafir urðu á flugi í gegnum Danmörku og þúsundir norskra vegfarenda komust loks heim til sín eftir að hafa setið fastir í bílum sínum á hraðbraut.

Erlent

Norður-Kóreumenn bjóða Baradei í heimsókn

Stjórnvöld í Norður-Kóreu hafa boðið Mohamed El-Baradei yfirmanni Alþjóðakjarnorkumálastofnunar í heimsókn til landsins að ræða kjarnorkumál þess. Baradei segist vonast til þess að hann geti rætt fyrstu skrefin í átt til þess að Norður-Kórea láti af öllum kjarnorkuáætlunum sínum við stjórnvöld í Pyongyang. Fyrr í mánuðinum samþykktu Norður-Kóreumenn að hefja afvopnun gegn aðstoð í efnahags- og orkumálum í viðræðum sex ríkja um kjarnorkumál landsins.

Erlent

Blair vill ekki í stríð við Íran

Tony Blair segist andvígur innrás í Íran og er því í andstöðu við stjórnvöld í Bandaríkjunum. Forsætisráðherrann lét hafa þetta eftir sér áður en eftirlitsmenn Alþjóðakjarnorkumálastofnunarinnar upplýstu að Íranir væru enn að auðga úran.

Erlent

Palestínumenn viðurkenni Ísraelsríki

Angela Merkel kanslari Þýskalands leggur áherslu á að palestínsk stjórnvöld viðurkenni tilverurétt Ísraelsríkis annars muni Evrópusambandið ekki aflétta viðskiptaþvingunum. Merkel gegnir nú embætti forseta sambandsins.

Erlent

Vélmenni með tilfinningagreind

Vélmenni sem hafa ályktunarhæfni og tilfinningagreind er eitthvað sem hingað til hefur bara verið til í vísindaskáldskap en nú er samevrópskt teymi að þróa slík vélmenni.

Erlent

Hátt í 300 manns fluttir af hótelpalli í Norðursjó

Hátt í þrjú hundruð manns voru fluttir af hótelpalli í Norðursjó um hádegisbil eftir að akkeri pallsins slitnuðu í nótt og morgun. Mjög hvasst er á þeim slóðum sem palllurinn er og tóku rekstaraðilar hans enga áhættu og sóttu íbúa á pallinum enda er óttast að pallinn fari að reka um Norðursjó.

Erlent

Vilja að stríðsherrar fái friðhelgi

Tugir þúsunda söfnuðust saman í Kabúl höfuðborg Afganistan í dag til að krefjast þess að gamlir stríðsherrar fái friðhelgi gegn því að vera sóttir til saka fyrir stríðsglæpi. Á meðal þeirra sem þar komu saman voru fyrrum stríðsmenn mujahideen og fyrirmenn í ríkisstjórn landsins.

Erlent

Sextán látnir í ferjuslysi við Indónesíu

Að minnsta kosti sextán manns týndu lífi eftir að eldur kom upp í ferju á leið frá Djakarta til eyjunnar Bangka í Indónesíu í gær. Eldurinn kom upp í bílaþilfari og greip mikil skelfing um sig meðal yfir þrjú hundruð farþega sem voru í ferjunni.

Erlent

Fundu fjölda vopna í íbúð í Amsterdam

Hollenska lögreglan greindi frá því í dag að hún hefði handtekið mann með bandarískt vegabréf eftir að fjölmargar byssur, handsprengjur og önnur vopn höfðu fundist í fórum hans.

Erlent

Hvirfibylur veldur manntjóni í Mósambík

Fjórir eru látnir og að minnsta kosti 70 slasaðir eftir að öflugur hvirfilbylur gekk yfir sumarleyfisstað í Mósambík. Þúsundir húsa skemmdust í óveðrinu, þar á meðal sjúkrahúsið í bænum.

Erlent

Áfram illfært á Skáni vegna ofankomu

Líkt og í Danmörku halda vandræði áfram á vegum úti á Skáni í Svíþjóð en þar hefur líka haldið áfram að snjóa. Eftir því sem fram kemur á vef sænska ríkisútvarpsins festu um 15 bílar sig í snjónum á Skáni í nótt en engan sakaði þó í óhöppunum.

Erlent

Cheney hefur áhyggjur af hernaðaruppbyggingu Kínverja

Dick Cheney, varaforseti Bandaríkjanna, lýsti í morgun yfir áhyggjum sínum af hernaðaruppbyggingu Kínverja og lét í ljós efasemdir um að Norður-Kóreumenn myndu standa við sinn hluta samnings um að hætta kjarnorkutilraunum gegn stuðningi frá Vesturlöndum.

Erlent

Forsætisráðherrra Tsjads látinn

Pascal Yoadimnadji, forsætisráðherra Afríkuríkisins Tsjads, lést í nótt á sjúkrahúsi í París en þangað var flogið með hann eftir að hann hafði fengið hjartaáfall. Yoadimnadji var 56 ára að aldri og hafði verið forsætisráðherra í tvö ár að skipan forseta landsins, Idriss Deby, sem rændi völdum í landinu árið 1990.

Erlent

26 látnir í bruna í Lettlandi

26 manns létust þegar eldur kom upp á heimili fatlaðra í smábæ í vesturhluta Lettlands snemma í morgun. Frá þessu greindi velferðaráðherra landins. Eftir því sem Reuters-fréttastofan greinir frá var á þriðja tug slökkvilbíla sendur á vettvang en slökkviliðsmönnum tókst að bjarga um 40 vistmönnum úr brunanum.

Erlent

Pakistanar prófa langdræga eldflaug

Pakistanski herinn greindi frá í dag að tilraunir með langdræga eldflaug sem borið getur kjarnaodd hefðu tekist vel. Flauginn var prófuð í dag en hún getur dregið allt að tvö þúsund kílómetra.

Erlent

Rætt um frekari refsiaðgerðir gegn Íran á mánudag

Fulltrúar allra ríkja sem eiga fast sæti í öryggisráði Sameinuðu þjóðanna munu ásamt Þjóðverjum hittast Lundúnum á mánudag til að ræða frekari refsiaðgerðir gegn Írönum eftir að þeir urðu ekki við kröfum Sameinuðu þjóðanna um að hætta auðgun úrans.

Erlent

Áframhaldandi ofankoma í Danmörku

Kuldi og ofankoma herja áfram á frændur okkar Dani í dag eins og undanfarna daga og er búist við áframhaldandi töfum á flugumferð og á vegum landsins. Illviðrið hefur kostað að minnsta kosti einn mann lífið í landinu.

Erlent

Mest lesið