Erlent

Mandela allur að braggast

Nelson Mandela virðist allur vera að braggast að sögn forseta Suður-Afríku, Jacob Zuma, sem heimsótti þennan goðsagnakennda leiðtoga í dag á spítala í Höfðaborg. Mandela, sem er 94 ára gamall, var færðusr á spítala með hraði í gærkvöldi en ekki hefur verið gefið út hvað ami að honum.

Erlent

Mario Monti ætlar að segja af sér

Forsætisráðherra Ítalíu, Maríó Monti hefur ákveðið að segja af sér eftir að Frelsisflokkur Silvio Berlusconi fyrrum forsætisráðherra dró til baka stuðning við ríkisstjórn hans á fimmtudag.

Erlent

Verksmiðjan hafði misst starfsleyfið

Fjölmargar fataverksmiðjur í Bangladess, sem framleiða ódýr föt handa vestrænum neytendum, eru starfræktar án þess að aðstæður þar þættu boðlegar á Vesturlöndum. Hundruð þeirra uppfylla ekki skilyrði um brunavarnir í Bangladess.

Erlent

Hrekkurinn umdeildi

Í þessu myndskeiði má heyra símaatið sem áströlsku útvarpsmennirnir gerðu í spítalanum, þar sem Katrín Middleton dvaldi. Þau þykjast vera Elísabet drottning og Karl Bretaprins, faðir Vilhjálms, eiginmanns Katrínar. Þau spyrja um líðan Katrínar, og hjúkrunarfræðingurinn segir þeim frá ástandi hennar. Hjúkrunarkonan sem þau tala við svipti sig lífi í dag, eins og greint var frá á Vísi fyrr í dag.

Erlent

Hjúkrunarkona Katrínar svipti sig lífi

Talið er að hjúkrunarkona sem hlúði að Katrínu hertogynju af Cambridge hafi svipt sig lífi í dag. Tveir ástralskir útvarpsmenn gerðu henni grikk fyrr í vikunni þegar þeir hringdu á sjúkrahúsið þar sem Katrín hafði dvalið vegna uppkasta á meðgöngu.

Erlent

Um metra há flóðbylgja skall á Japan

Um metra há flóðbylgja hefur skollið á norðausturströnd Japan. Flóðbylgjan kemur í kjölfar jarðskjálfta upp á 7,4 stig sem varð á töluverðu dýpi um 300 kílómetra undan austurströnd landsins í morgun.

Erlent

Hampa lögleiðingu hampsins í Washington

Lög um lögleiðingu kannabisefna tóku gildi í Washington-ríki í Bandaríkjunum í gær og komu hundruð manna saman af því tilefni undir Geimnálinni í Seattle og nýttu sér þetta nýfengna frelsi. Íbúar ríkisins samþykktu lögin í almennri atkvæðagreiðslu í síðasta mánuði, en hið sama gerðu íbúar Colorado og eru þetta einu tvö ríkin þar sem almenn neysla er leyfð. Í Colorado taka lögin gildi eftir áramót.

Erlent

Funduðu um Sýrland

Utanríkisráðherrar Bandaríkjanna og Rússlands funduðu með erindreka SÞ um málefni Sýrlands í gær. Harðir bardagar geisa nú í Damaskus og uppreisnarmenn ná fleiri hverfum á sitt vald. Óttast er að stjórnvöld gætu beitt efnavopnum.

Erlent

Berlusconi aftur á leið í pólitík á Ítalíu

Allar líkur eru á því að Silvio Berlusconi sé aftur á leið í pólitík á Ítalíu. Þetta er ein helsta fréttin í ítölskum fjölmiðlum í dag en talið er að Berlusconi verði forsætisráðherraefni flokks síns, Frelsisflokksins.

Erlent

Mest lesið