Erlent

Hver var Adam Lanza?

Lanza hafði aldrei komist í kast við lögin. Fyrrverandi bekkjarfélagi segir hann hafa verið snilling.

Erlent

Alvöru Hungurleikar í bígerð

Bandaríska sjónvarpsstöðin CW tilkynnti í vikunni sem leið að von væri á raunveruleikaþætti sem minnir um margt á skáldsöguna um Hungurleikana.

Erlent

Vill þjóðaratkvæðagreiðslu um ESB fyrir 2015

Boris Johnson, borgarstjóri í Lundúnum, segir að David Cameron, forsætisráðherra Breta, ætti að efna til þjóðaratkvæðagreiðslu, fyrir næstu þingkosningar árið 2015, um áframhaldandi veru Bretlands í Evrópusambandinu. Hann ætti að búa sig undir það að Bretar yfirgefi sambandið.

Erlent

Börnin sem dóu voru sex og sjö ára gömul

Yfirvöld birtu núna í kvöld nöfn þeirra 26 einstaklinga sem fórust í gær þegar óður byssumaður gekk berserksgang í grunnskóla í Connecticut í Bandaríkjunum. AP fréttastofan greinir frá því að allir þeir sex fullorðnu einstaklingar sem voru drepnir voru konur. Af þeim tuttugu börnum sem voru myrt, voru átta drengir og tólf stúlkur. Öll voru börnin sex og sjö ára gömul. Yfirvöld vinna nú að því að afla frekari upplýsinga um hinn 20 ára gamla Adam Lanza sem myrti börnin, en hann fyrirfór sér eftir að hann framdi ódæðið.

Erlent

Tíu þúsund manns fórust í skotárásum í Bandaríkjunum í fyrra

Síðastliðin þrjátíu ár hafa orðið 61 skotárás í Bandaríkjunum, þar sem meira en fjórar manneskjur hafa farist. Ellefu af þessum skotárásum hafa orðið í skólum. Skotárásin í Sandy Hook í Newtown í gær, þar sem 26 voru drepnir, er næstmannskæðasta skotárásin á eftir skotárásinni í Virgina Tech skólanum árið 2007. Þar fórust 32.

Erlent

Mandela fór í gallsteinaaðgerð

Nelson Mandela, fyrsti þeldökki forseti Suður-Afríku, fór í gallsteinaaðgerð í morgun. Ríkisstjórnin í Suður-Afríku gaf út yfirlýsingu um þetta í morgun. Aðgerðin heppnaðist vel og Mandela er á batavegi. Mandela, sem er 94 ára gamall, var lagður inn á spítala á laugardaginn með sýkingu í lunga. Rannsóknir leiddu í ljós að hann var með gallsteina og læknar ákváðu að fjarlægja þá um leið og hann hefði jafnað sig á sýkingunni.

Erlent

Tölvuþrjótar undirbúa árás á bandaríska banka

Fjármálayfirvöld í Bandaríkjunum hafa varað banka þar í landi við því að hópur rússneskra tölvuþrjóta sé að undirbúa viðamikla árás á þá. Ætlunin er að stela milljónum af dollurum frá bönkunum sjálfum sem og viðskiptavinum þeirra.

Erlent

Atkvæðagreiðslan hafin

Egyptar ganga í dag til atkvæða um nýja stjórnarskrá landsins en gríðarleg öryggisgæsla er á kjörstöðum.

Erlent

Uppreisnarlið herjar á Damaskus

Þótt uppreisnarmenn í Sýrlandi herji nú á höfuðborgina Damaskus og hafi náð miklum árangri undanfarið gætu átökin dregist mjög á langinn, því her Bashar al Assads forseta er enn öflugur. Stjórnarherinn einn hefur auk þess möguleika á flughernaði.

Erlent

Átök brutust út milli fylkinga

Andstæðingar Mohammeds Morsi forseta áttu í átökum í gær við íslamista sem styðja forsetann, daginn áður en gengið er til atkvæða um nýja stjórnarskrá. Sumir íslamistanna sveifluðu sverðum en andstæðingar forsetans köstuðu grjóti. Kveikt var í að minnsta kosti tveimur bifreiðum.

Erlent

Ellefu ár fyrir aðild að morði

Fyrrverandi lögreglumaður, Dmitrí Pavljútsjenkov, hlaut ellefu ára fangelsisdóm fyrir aðild sína að morðinu á blaðakonunni Önnu Politkovsköju.

Erlent

Mest lesið