Erlent

Engin sprengjuógn lengur

Engin sprengjuógn steðjar nú að íbúum í Boston. Þetta sagði talsmaður lögreglunnar á blaðamannafundi nú á þriðja tímanum. Yfirvöld þökkuðu viðbragðsaðilum fyrir störf sín og ítrekuðu beiðni sína til almennings um að öllum vísbendingum um ódæðismanninn eða mennina yrði komið áleiðis. Þrír fórust í sprenginunni, þar á meðal átta ára gamall drengur, og 150 særðust. Sautján manns eru lífshættulega særðir.

Erlent

Íbúar í Boston lýsa skelfingu eftir sprengingarnar

"Ég er viss um að margir eiga um sárt að binda. Boston er dásamleg borg og allir eru skelfingu lostnir," sagði íbúi í Boston í samtali við Reuters fréttastofuna eftir að sprengjurnar tvær sprungu í Boston í gærkvöld. Sprengjurnar urðu þremur að bana.

Erlent

210.000 milljörðum eytt í hernað í fyrra

Útgjöld til hernaðar í heiminum lækkuðu í fyrra, í fyrsta skipti frá árinu 1998. Útgjöldin á heimsvísu námu um 210 þúsund milljörðum íslenskra króna, eða 1.750 milljörðum dollara. Þessi upphæð er 0,5 prósentum lægri en árið 2011.

Erlent

Réðust inn í barnaþorp SOS

Vopnaðir menn úr hópi uppreisnarmanna réðust inn í SOS-barnaþorpið í Bangui í Mið-Afríkulýðveldinu í gær í leit að vopnum.

Erlent

Átta ára barn lést í ódæðinu

Nú er ljóst að minnst þrír fórust í sprengjuárásum í Boston í Massachusettes í gær. Á meðal þeirra er átta ára gamalll drengur. Yfir 130 særðust í árásinni, þar af 30 lífshættulega og götur í Boylston stræti voru alblóðugar eftir árásirnar.

Erlent

Obama mun hitta forseta Suður Kóreu

Barack Obama, forseti Bandaríkjanna, ætlar að hitta Park Geun-hye, forseta Suður Kóreu, í Hvíta húsinu þann sjöunda maí næskomandi vegna vaxandi togstreitu á Kóreuskaganum. Þeir munu ræða efnahagsmál og öryggismál, segja talsmenn Hvíta hússins. Undanfarna daga hafa Norður - Kóreumenn hótað að ráðast á Suður Kóreumenn, Japani og herstöðvar Bandaríkjamanna í Asíu. Norður Kóreumenn segja núna að þeir muni fylgja hótunum sínum eftir þegar í ljós kom að mótmælendur í Suður Kóreu brenndu myndir af leiðtogum Norður Kóreumanna.

Erlent

"Við munum komast að því hverjir gerðu þetta og af hverju“

"Við munum komast að því hverjir gerðu þetta og við munu láta viðkomandi sæta ábyrgð,“ sagði Barack Obama þegar hann ávarpaði þjóð sína í Hvíta húsinu klukkan tíu mínútur yfir tíu í kvöld. Þá tók hann skýrt fram að rannsakað yrði hvers vegna viðkomandi gerðu það sem þeir gerðu.

Erlent

Tvítugur Sádi Arabi grunaður um ódæðið

Tvítugur karlmaður frá Sádi - Arabíu hefur verið handtekinn grunaður um að standa að baki sprengingunum í Boston. Þetta fullyrðir fréttavefur New York Post. Samkvæmt blaðinu eru hann í gæslu á ónefndum spítala í Boston. Fox News segir að maðurinn hafi brunnið illa. Maðurinn mun hafa veirð handtekinn skömmu eftir að fyrri sprengjan sprakk.

Erlent

Barack Obama heitir fullum stuðningi við íbúa í Boston

Barack Obama, forseti Bandaríkjanna, er í stöðugum samskiptum við yfirvöld í Massachusett vegna sprenginganna sem þar urðu í kvöld og hefur falið ríkisstjórn sinni að veita alla þá aðstoð sem nauðsynleg er til þess að rannsaka og bregðast við. Talið er að minnst tvær, jafnvel þrjár sprengjur hafi sprungið í Boston í kvöld. Þar fór fram maraþon og voru fjölmargir Íslendingar í borginni.

Erlent

Um 100 manns fluttir á spítala

Um 100 manns hafa verið fluttir á spítala í Boston vegna meiðsla eftir þrjár sprengjur sem hafa sprungið þar í borg í kvöld. Fólkið hlaut margvísleg meiðsl. Að minnsta kosti tveir eru látnir.

Erlent

Tvær sprengjur í viðbót gerðar óvirkar

Lögreglumenn hafa fundið að minnsta kosti tvær sprengjur í viðbót á svæðinu, þar sem tvær öflugar sprengjur sprungu í Boston fyrr í kvöld. Þær hafa verið gerðar óvirkar, að því er fram kemur á vef AP fréttastofunnar.

Erlent

Sprenging í Boston

Að minnsta kosti þrír eru látnir eftir að tvær mjög kraftmiklar sprengjur sprungu í Boston nú fyrir stundu. Fjölmargir eru slasaðir. Þetta hefur FOX sjónvarpsstöðin eftir lögreglunni í borginni.

Erlent

Taka höndum saman gegn Norður-Kóreu

Utanríkisráðherra Bandaríkjanna ræddi við leiðtoga nágrannaríkja Norður-Kóreu í Asíu. Stjórnvöld í Pjongjang eru hvött til að setjast að samningaborðinu.

Erlent

Fangi tók annan fanga í gíslingu í Kaupmannahöfn

Maður var tekinn gísl á lögreglustöðinni í Kaupmannahöfn við innganginn að fangelsi lögreglustöðvarinnar. Sérsveit lögreglunnar hefur verið kölluð til. Danska ríkisútvarpið hefur þær heimildir frá lögreglunni í Kaupmannahöfn að það sé fangi sem hafi tekið annan fanga í gíslingu. Atvikið gerðist eftir hádegi í dag.

Erlent

Strokufanginn enn ófundinn

Enn hefur ekkert spurst til Redoine Faid, strokufangans sem sprengdi sér leið út úr Sequedin-fangelsi nærri Lille í norðurhluta Frakklands á laugardag. Hann er alræmdur ræningi og þekktur glæpamaður í Frakklandi, að sögn breska ríkisútvarpsins.

Erlent

Erfiðara verði að eignast byssu

Tveir áhrifamiklir öldungadeildarþingmenn í Bandaríkjunum kynntu fyrir helgi lagafrumvarp sem tryggja á að hvergi verði hægt að kaupa skotvopn í landinu án þess að fortíð kaupandans sé könnuð fyrir kaupin.

Erlent

Rúta fór fram af brú í Belgíu

Rútu sem flutti ungmenni frá Rússlandi var ekið fram af brú í Antwerpen í Belgíu í gær með þeim afleiðingum að fimm létust og tólf slösuðust, þar af fimm alvarlega. Engin tilraun virðist hafa verið gerð til þess að stöðva rútuna áður en hún fór fram af brúnni og er því talið að bílstjórinn hafi sofnað undir stýri.

Erlent

Mest lesið