Sprenging í Boston

Að minnsta kosti þrír eru látnir eftir að tvær mjög kraftmiklar sprengjur sprungu í Boston nú fyrir stundu. Fjölmargir eru slasaðir. Þetta hefur FOX sjónvarpsstöðin eftir lögreglunni í borginni.

Sprengjurnar sprungu við marklínu maraþonsins sem fór fram í borginni í dag. Samkvæmt vef Sky News hefur stóru svæði verið lokað. Ekki er ljóst hversu margir eru slasaðir.

New York Times segir að sprengjurnar hafi sprungið á Copley-torgi, sem sé í grennd við marklínuna. Fjölmiðlar segja að margir liggi í jörðinni og mikil ringulreið sé á vettvangi. Rauði Krossinn hefur sett upp sjúkratjöld á vettvangi.

Ekki er vitað hvað olli sprengingunni en hún sprakk rúmlega tveimur klukkutímum eftir að fyrsti hlauparinn kom í mark. Um 27 þúsund hlauparar taka þátt í Boston-maraþoninu.

Hér má sjá beina útsendingu Bloomberg.



Hér má sjá myndband sem náðist af fyrstu sprengingunni