Fréttir

Fréttamynd

Fjórtán börn fórust í brunanum

Eldur kom upp í annað sinn á stuttum tíma í húsi afrískra innflytjenda í París og í þetta sinn brunnu sautján manns inni. Aðstæður þessa þjóðfélagshóp eru afar bágbornar.

Erlent
Fréttamynd

Enn frestur vegna stjórnarskrár

Enn hefur samninganefnd um nýja stjórnarskrá í Írak verið gefinn frestur til að komast að endanlegri niðurstöðu. Talsmaður írakska þingsins sagði í morgun að samninganefndinni yrði gefinn frestur til miðnættis, en ef niðurstaða næðist ekki fyrir þann tíma myndi stjórnarskráin eins og hún lítur út einfaldlega fara beint í þjóðaratkvæðagreiðslu þann fimmtánda október.

Erlent
Fréttamynd

2.000 fá að velja efstu menn

Kjördæmasambönd Framsóknarflokksins í suður- og norðurkjördæmum Reykjavíkur undirbúa sameiginlegan fund þar sem endanlega verður ákveðið hvernig staðið verður að sjálfstæðu framboði Framsóknarflokksins fyrir borgarstjórnarkosningarnar næsta vor. Fundurinn verður haldinn innan tíðar.

Innlent
Fréttamynd

Ekki meiri fréttaskrif

Yfirmenn hjá Ríkisútvarpinu eru að íhuga framtíð Sigmundar Sigurgeirssonar, forstöðumanns svæðisútvarpsins á Suðurlandi, eftir óvægan pistil á bloggsíðu hans. Hann hefur nú verið leystur frá störfum við fréttir fyrir Ríkisútvarpið.

Innlent
Fréttamynd

Út að borða í allan vetur

Gangi allir samningar eftir munu flestir nemendur grunnskólans á Blönduósi fara út að borða í hádeginu í allan vetur en bæjarráð hefur falið bæjarstjóra að semja við veitingahús um skólamáltíðir barnanna í vetur.

Innlent
Fréttamynd

Sjö létust í fárviðri

Að minnsta kosti sjö létust þegar fellibylurinn Katrín gekk á land á suðurhluta Flórída í fyrrinótt. Tré rifnuðu upp með rótum og yfir ein milljón heimila varð rafmagnslaus í fellibylnum. Vindhraði mældist yfir 40 metrum á sekúndu. Katarína heldur svo á haf út á Mexíkóflóa þar sem óttast er að hún geti valdið skemmdum á olíuborpöllum.

Erlent
Fréttamynd

Þrjú desdýr drápust

Þrjú desdýr af afar sjaldgæfri tegund hafa drepist úr fuglaflensu í þjóðgarði í Víetnam. Er það í fyrsta skipti sem flensan greinist í þessari tegund dýra, að sögn forstöðumanna þjóðgarðsins.

Erlent
Fréttamynd

Stefán Jón vill fyrsta sætið

Í fréttatilkynningu frá Stefáni Jóni Hafstein kemur fram að hann ætlar að gefa kost á sér í fyrsta sæti á framboðslista Samfylkingarinnar í komandi borgarstjórnarkosningum.

Innlent
Fréttamynd

Skóflustungur að nýjum skóla

Væntanlegir nemendur Hraunvallaskóla í Hafnarfirði tóku fyrstu skóflustungurnar í gær að viðstöddum bæjarstjóranum, Lúðvík Geirssyni, og fulltrúum Fjarðarmóta sem byggja fyrsta áfanga skólans.

Innlent
Fréttamynd

Sameining í Ölfusi og Flóa kynnt

Með sameiningu sveitarfélaganna í Ölfusi og Flóa yrði til rúmlega tíu þúsund manna sveitarfélag sem yrði mun öflugra en þau eru sitt í hvoru lagi. Þetta er mat samstarfsnefndar um undirbúning sameiningarinnar.

Innlent
Fréttamynd

Ný staða í uppkaupum húseigna

Smári Þorvaldsson, starfsmaður Ofanflóðasjóðs segir að ný staða sé komin upp í uppkaupum húseigna með dómi Héraðsdóms Vestfjarða í morgun þar sem Bolungarvíkurkaupstað var gert að greiða húseigendum við Dísarland bætur fyrir hús sín á grundvelli mats frá Matsnefnd eignarnámsbóta en ekki staðgreiðslumarkaðsverðs eins og bærinn hafði boðið. En þetta kemur fram á vef Bæjarins besta á Ísafirði.

Innlent
Fréttamynd

Íslenskum dreng bjargað úr flóðum

Tólf ára íslenskum dreng, Matthíasi Þór Ingasyni, verður flogið í dag með þyrlu frá bænum Engelberg í Sviss. Bærinn er umflotinn vatni og eru vegur og járnbrautateinar til og frá bænum í sundur. </font /></b />

Innlent
Fréttamynd

Vill fyrsta sætið

Gísli Marteinn Baldursson mun tilkynna stuðningsmönnum sínum á sunnudag að hann hyggist sækjast eftir fyrsta sæti á lista sjálfstæðismanna fyrir næstu borgarstjórnarkosningar.

Innlent
Fréttamynd

Orsaka leitað

Hundruð björgunarsveitarmanna hafa síðustu daga grandskoðað hvern krók og kima í flaki Boeing 737-þotunnar sem fórst í Perú á þriðjudagskvöld. Leitað er í farangri, kringum rafleiðslur og í braki að hverri þeirri vísbendingu sem varpað gæti frekara ljósi á orsakir flugslyssins, sem varð 37 manns að bana.

Erlent
Fréttamynd

Ný krufningarskýrsla ekki heimiluð

Sakborningurinn sem hefur verið ákærður fyrir að verða öðrum manni að bana á kránni Ásláki í Mosfellsbæ í desember í fyrra hefur krafist þess að sérstakir matsmenn verði kvaddir til að fara yfir krufningarskýrsluna í málinu.

Innlent
Fréttamynd

Yfir 2.000 ótryggðir bílar

Ríflega 2.200 bifreiðar voru í gær á skrá Umferðarstofu yfir óvátryggða bíla, þar af voru um 800 sem verið höfðu á listanum frá því fyrir áramót. Gera má því ráð fyrir að yfir þriðjungur þeirra sem á annað borð skulda tryggingar trassi það mánuðum saman að borga.

Innlent
Fréttamynd

Konur hafa áhrif á heimsmálin

Askalú Menkeríos, fyrrverandi hermaður og núverandi menningarmálaráðherra Erítreu, segir að Vigdís Finnbogadóttir hafi sannað það fyrir heiminum að konur geti verið þjóðarleiðtogar og haft áhrif á heimsmálin. Hún er komin hingað til lands til að sitja heimsfund menningarmálaráðherra úr röðum kvenna.

Innlent
Fréttamynd

Vill hjálp tryggingafélaganna

Geir Jón Þórisson yfirlögregluþjónn í Reykjavík segir stöðuga "rassíu" í gangi hjá lögreglu við að klippa númer af óvátryggðum ökutækjum. Sökum umfangs segir hann lögreglu þó gjarnan vilja sjá breytingar á vinnulagi við starfann.

Innlent
Fréttamynd

Fíkniefni fundust í Kópavogi

Lögreglan í Kópavogi lagði, við húsleit í gærkvöldi, hald á 200 grömm af fíkniefnum, aðallega kannabisefnum og Kókaíni. Maður á þrítugsaldri var handtekinn á staðnum og við yfirheyrslur játaði hann að eiga efnið, en það var ætlað til sölu. Málið telst upplýst og var manninum sleppt að loknum yfirheyrslum.</font />

Innlent
Fréttamynd

Vara við gylliboðum

Norrænir neytendaumboðsmenn hafa kært til bandarískra stjórnvalda gylliboð um ferðavinninga til Karíbahafsins. Þeir sem standa að baki gylliboðunum hafa náð símleiðis til neytenda eða með því að hvetja þá til kaupa í gluggauglýsingum á Netinu.

Innlent
Fréttamynd

Fleiri karlar með doktorspróf

Fleiri karlar meðal háskólakennara hafa lokið doktorsprófi en konur. Tæplega þriðjungur karla eða 31% meðal kennara í skólum á háskólastigi hefur lokið doktorsprófi en aðeins um 12% kvenna.

Innlent
Fréttamynd

Mikil fækkun nýrra sjúklinga

"Þetta er jákvætt skref sem orðið hefur að tala nýrra sjúklinga hefur ekki verið minni síðan 1995," segir Þórarinn Tyrfingsson, yfirlæknir á Vogi, en í nýrri ársskýrslu SÁÁ kemur fram að nýir sjúklingar á stofnuninni hafa ekki verið færri í tíu ár þrátt fyrir að almennt sígi á ógæfuhlið að öðru leyti.

Innlent
Fréttamynd

Níu slasast í bílslysi

Níu manns slösuðust í umferðarslysi á Akureyri í gærkvöldi. Tveir bílar rákust saman á gatnamótum Glerárgötu og Strandgötu, en báðir bílarnir voru að aka á grænu ljósi.

Innlent
Fréttamynd

Sænskir jafnaðarmenn auka við sig

Sænskir jafnaðarmenn sækja í sig veðrið samkvæmt nýrri skoðanakönnun fyrir Dagens Nyheter. Fylgi flokksins var í lágmarki fyrr í sumar eða rétt yfir þrjátíu prósentum, en það er nú komið yfir þrjátíu og fjögur prósent. Stjórnin hefur enda lofað öllu fögru, bæði skattalækkunum og atvinnusköpun.

Erlent
Fréttamynd

Varnarliðsmaðurinn neitar sök

Varnarliðsmaðurinn sem grunaður er um að hafa orðið konu að bana á Keflavíkurflugvelli sunnudaginn 14. ágúst hefur verið fluttur frá Keflavíkurflugvelli til Þýskalands. Þar er hann í haldi í herbúðum varnarliðsins. Hann neitar staðfastlega sök, samkvæmt heimildum Fréttablaðsins.

Innlent
Fréttamynd

Tamílar hæstánægðir

Hæstiréttur Srí Lanka úrskurðaði í gær að halda skyldi forsetakosningar á þessu ári. Tíðindin þykja sigur fyrir stjórnarandstöðu Tamíla en að sama skapi áfall fyrir forsetann Chandrika Kumaratunga og stuðningsmenn hennar. Að hennar mati átti kjörtímabilið að vara ári lengur en dómstóllinn komst að annarri niðurstöðu.

Erlent
Fréttamynd

Lundapysja í Örfirisey

Lundapysja spókaði sig um á athafnasvæði Lýsis í Örfirisey í Reykjavík í gærmorgun. Þorsteinn Waagfjörð, starfsmaður fyrirtækisins, gekk fram á pysjuna og segir hana hafa verið ráðvilta og magra.

Innlent
Fréttamynd

Prófmál í Bolungarvík

Héraðsdómur Vestfjarða dæmdi í morgun Bolungarvíkurkaupstað til að greiða eigendum þriggja húsa á snjóflóðahættusvæði í bænum rúmar fimmtíu og sjö milljónir króna, sem er nokkuð hærra en bærinn vildi borga. Bæjarstjóri segir að um prófmál sé að ræða.

Innlent

Mest lesið