Fréttir

Vonar að ekki komi til verkfalls

Formaður Landssambands slökkviliðs- og sjúkraflutningamanna vonar að ekki komi til verkfalls hjá stéttinni síðar í mánuðinum. Deiluaðilar sátu á maraþonfundi í gær og nótt sem gefur ákveðnar vonir um að sátt náist í deilunni á næstunni.

Innlent 4.3.2006 12:28

Klofningur í stjórn Straums - Burðaráss

Klofningur kom upp í stjórn Straums - Burðaráss í gærkvöld þegar kosið var um verkskiptingu stjórnar.

Innlent 4.3.2006 12:06

Tveggja manna leitað vegna hnífsstunguárásarinnar

Tveggja manna er leitað vegna hnífsstunguárásarinnar í miðborg Reykjavíkur í nótt. Rúmlega tvítugur karlmaður var þar stunginn tvisvar í bakið og er talið hugsanlegt að annað lunga hans hafi fallið saman.

Innlent 4.3.2006 11:40

Gætu hafið starfsemi um svipað leyti og álver á Húsavík

Hitaveita Suðurnesja telur sig geta útvegað nægilega orku til álvers í Helguvík til að það geti hafið starfsemi um svipað leyti og álver á Húsavík. Forstjóri Hitaveitunnar, Júlíus Jónsson, telur hins vegar að það geti verið skynsamlegt að fresta framkvæmdum þar sem öll uppbygging verði dýrari á þenslutímum.

Innlent 4.3.2006 12:06

Nöfn Guantanamo-fanga loksins birt

Bandaríska varnarmálaráðuneytið hefur í fyrsta sinn birt nöfn og þjóðerni þorra fanganna sem eru í haldi í Guantanamo-búðunum á Kúbu. Vonast er til að þar með geti farið fram sjálfstætt mat hvort þeir séu eins hættulegir og Bandaríkjastjórn heldur fram.

Erlent 4.3.2006 11:58

Opið í Hlíðarfjalli í dag

Opið er í Hlíðarfjalli í dag frá kl. 10-17. Þar er 6 stifra frost, nánast logn og léttskýjað að því er forstöðumaður skíðasvæðisins segir. Flestar lyftur eru opnar.

Innlent 4.3.2006 10:04

Hróður verður Týr

Arftaka bolans Elds í Fjölskyldu- og húsdýragarðinum hefur verið fundið nýtt nafn og heitir hann nú Týr. Þetta varð ljóst eftir símakosningu í gærkvöld þar sem valið stóð á milli þriggja nafna, Týs, Elds og Hróðurs, en kálfinum hafði áður verið valið síðastnefnda nafnið.

Innlent 4.3.2006 10:01

Hamas útiloka ekki að viðurkenna Ísrael

Khaled Mashaal, leiðtogi Hamas-samtakanna, útilokar ekki að samtök hans viðurkenni Ísraelsríki, að uppfylltum skilyrðum.

Erlent 4.3.2006 11:23

Jowell hyggst skilja við eiginmann sinn

Tessa Jowell, menningarmálaráðherra Bretlands, ætlar að skilja við eiginmann sinn David Mills en ítalskir saksóknarar sökuðu hann á dögunum um að hafa þegið mútur frá Silvio Berlusconi, forsætisráðherra Ítalíu.

Erlent 4.3.2006 11:19

Búrhvalir nota vélarhljóð við ætisleit

Hvalir eru skynugar skepnur eins og ný rannsókn vísindamanna við Alaska-háskóla sýnir. Þeir komust að því að búrhvalir sem svamla úti fyrir ströndum ríkisins hafa þróað með sér hæfileika til að hlusta eftir vélarhljóði fiskiskipa á svæðinu.

Innlent 4.3.2006 09:58

Útilokar ekki að Hamas viðurkenni Ísraelsríki

Khaled Mashaal, leiðtogi Hamas-samtakanna, útilokar ekki að samtök hans viðurkenni Ísraelsríki, að uppfylltum skilyrðum.

Erlent 4.3.2006 09:54

Stunginn með hnífi á Gauki á Stöng

Maður um tvítugt var stunginn með hnífi á veitingastaðnum Gauki á Stöng í miðborginni á fimmta tímanum í nótt. Að sögn lögreglu virtist maðurinn ekki alvarlega slasaður en hann hlaut tvö stungusár á baki. Hann er nú til rannsóknar á slysadeild Landspítalans.

Innlent 4.3.2006 09:52

16 tíma samningafundur í deilu LSS og LH

Fundur samninganefndar Landssambands slökkviliðs- og sjúkraflutningamanna og launanefndar sveitarfélaga hjá ríkissáttasemjara stóð til klukkan fimm í nótt en hann hófst klukkan eitt í gær. Annar fundur hefur verið boðaður klukkan eitt í dag.

Innlent 4.3.2006 09:49

Banaslys á Akureyri

Banaslys varð á Akureyri á sjötta tímanum í morgun þegar bifreið var ekið á vegg á Hjalteyrargötu við Furuvelli. Tveir voru í bílnum og lést annar en hinn liggur alvarlega slasaður á Fjórðungssjúkrahúsinu á Akureyri. Hann er þó úr lífshættu. Lögregla segir tildrög slyssins óljós.

Innlent 4.3.2006 09:46

Stjórn Straums klofnaði

Stjórn Straums klofnaði þegar stjórn félagsins skipti með sér verkum að loknum aðalfundi félagsins í dag Björgólfur Thor Björgólfsson hafði verið einróma kosinn formaður þegar koma að kjöri varaformanns. Var þá borinn upp tillaga um að Eggert Magnússon yrði varaformaður. Tillagan kom Magnúsi Kristinssyni, einum stærsta hluthafa Straums á óvart, enda hafði hann verið varaformaður síðasta árið og átti von á áframhaldandi setu í embættinu.

Innlent 3.3.2006 22:50

101 fasteignafélag kærir úrskurðinn til Hæstaréttar

101 fasteignafélag ætlar að kæra úrskurð Héraðsdóms frá í morgun þar sem hann hafnaði beiðni félagsins um að samningur þess við Stafna á milli og fleiri félög, um kaup á húsnæði við Laugaveg, Frakkastíg, Hverfisgötu og Vatnsstíg, yrði þinglýstur.

Innlent 3.3.2006 22:34

Ljósmæður farnar að sinna heimaþjónustu á ný

Samninganefnd Ljósmæðrafélags Íslands og samninganefnd heilbrigðisráðuneytisins skrifuðu undir nýjan kjarasamning fyrr í kvöld. Ljósmæður eru farnar að sinna heimaþjónustu á ný. Tímakaup ljósmæðra fæst ekki uppgefið.

Innlent 3.3.2006 20:17

Mikil uppbygging í Þorlákshöfn

Um hundrað íbúðir eru nú í byggingu eða undirbúningi í Þorlákshöfn. Á fréttavefnum suðurland.is segir að um mikla uppbyggingu sé að ræða en alls eru um 430 íbúðir í Þorlákshöfn. Á næstunni verður boðinn út þriðji áfangi í Búðahverfi en þar eru um 40 lóðir sem verið er að undirbúa lóðir sem verða tilbúnar í vor. Lóðirnar verða tilbúnar mörgum mánuðum á undan áætlun en frestur vegna verksins var til 1. september.

Innlent 3.3.2006 19:04

Kúariða greinist í Svíþjóð

Kúariða er komin upp í Svíþjóð en sérfræðingar Evrópusambandsins staðfestu í dag að veikin hefði greinst í kú á búgarði í miðhluta landsins.

Erlent 3.3.2006 18:03

Nokkur pláss laus á sængurkvennadeildum landsins

Fundur Ljósmæðrafélags Íslands og samningarnefndar heilbrigðisráðuneytisins stendur enn yfir en lítið virðist miða í kjarabaráttu ljósmæðra í heimaþjójustu. Á meðan bíða börn og mæður þeirra eftir að fá að fara heim af sængurkvennadeildum landsins. Sængurkvennapláss á Landspítalanum-háskólasjúkrahúsi eru þéttsetin en þó er ekki enn orðið yfirfullt.

Innlent 3.3.2006 18:05

Viðbótargreiðslur vegna Kárahnjúkavirkjunar 5-6 milljarðar kr.

Viðbótargreiðslur Landsvirkjunar vegna ófyrirséðra útgjalda við Kárahnjúkavirkjun nema nú fimm til sex milljörðum króna. Auk þess má búast við háum fjárkröfum vegna aukins borkostnaðar. Engu að síður telur Landsvirkjun að heildarkostnaður verði innan þess ramma sem lagt var upp með.

Innlent 3.3.2006 18:16

Glitter dæmdur fyrir að misnota börn

Víetnamskur dómstóll hefur dæmt breska tónlistarmanninn Gary Glitter í þriggja ára fangelsi fyrir kynferðislegt ofbeldi gegn börnum. Glitter ber af sér allar sakir og segir málið allt vera samsæri gegn sér.

Erlent 3.3.2006 17:55

Viðræðurnar fóru út um þúfur

Fátt virðist geta komið í veg fyrir að öryggisráð Sameinuðu þjóðanna beiti Írana refsiaðgerðum vegna áforma þeirra um að auðga úran. Samningafundur utanríkisráðherra helstu ríkja Evrópusambandsins með erindreka Írana fór út um þúfur í morgun.

Erlent 3.3.2006 17:47

Óljóst um endurupptöku málsins

Enn liggur ekki fyrir hvort mál Jóns Ólafssonar athafnamanns gegn Hannesi Hólmsteini Gissurarsyni prófessor verði tekið upp að nýju í Bretlandi. Hannes var í fyrra dæmdur til að greiða Jóni tólf milljónir króna fyrir meiðandi ummæli á heimasíðu sinni.

Innlent 3.3.2006 17:23

Mest lesið