Fréttir

Portland sló Evrópumeistarana út

Spænska liðið Portland San Antonio var nú síðdegis að slá út Evrópumeistara Barcelona í Meistaradeildinni í handbolta og tryggja sig þannig í undanúrslit keppninnar þrátt fyrir tap á Spáni, 26-23. Portland vann fyrri leikinn 25-21 og því samanlagt með einu marki.

Sport 4.3.2006 17:28

Ljósmæður í heimaþjónustu samþykkja kjarasamning

Ljósmæður í heimaþjónustu samþykktu með yfirgnæfandi meirihluta atkvæða nýgerðan kjarasamning Ljósmæðrafélags Íslands og samninganefndar heilbrigðisráðuneytisins á fundi í dag

Innlent 4.3.2006 17:22

Kvarta undan seinagangi í kjaraviðræðum

Starfsmannafélag Reykjavíkur lýsir vanþóknun sinni á seinagangi Orkuveitu Reykjavíkur og Félagsbústaða hf. við gerð nýrra kjarasamninga við félagið.

Innlent 4.3.2006 17:10

Vélsleðamaður á gjörgæslu en ekki í lífshættu

Vélsleðamaðurinn sem slasaðist á austanverðum Geitlandsjökli á Langjökli um hádegisbil í dag liggur nú á gjörgæsludeild. Hann er talsvert alvarlega slasaður og en ekki í lífshættu að sögn vakthafandi læknis.

Innlent 4.3.2006 17:08

Fulham steinlá fyrir Arsenal

Arsenal beit heldur betur frá sér gegn útivallargrýlunni í dag þegar liðið gjörsamlega valtaði yfir Fulham 0-4 í ensku úrvalsdeildinni í fótbolta. Heiðar Helguson var í byrjunarliði Fulham en var skipt út af á 61. mínútu fyrir Collins John. Sjö leikir eru á dagskrá deildarinnar í dag og eru úrslit þeirra sem hér segir en Liverpool mætir Charlton kl. 17:15;

Sport 4.3.2006 17:00

Tveir stórleikir í beinni frá Spáni í kvöld

26. umferðin í spænsku úrvalsdeildinni í knattspyrnu hefst í kvöld. Klukkan 19 mætast grannaliðin í Madríd, Real og Atletico og verður sýndur beint á Sýn. Strax á eftir verður skipt yfir til Barcelona þar sem Barcelona mætir Deportivo La Coruna.

Sport 4.3.2006 16:37

Sverrir Magnús skírður í Osló

Norski prinsinn Sverrir Magnús var skírður í kapellunni í konungshöllinni í Osló í dag, þriggja mánaða gamall. Það var amman hans, Sonja drottning, sem hélt á honum undir skírn en hann lét vel í sér heyra undir skírninni og gerði sitt besta til að yfirgnæfa Ole Christian Kvarme, biskup í Osló, sem skírði hann.

Erlent 4.3.2006 16:30

Handtekinn fyrir að smygla 45 kg af heróíni til Kúveits

Lögreglan í Kúveit handtók í dag Pakistana sem smyglaði 45 kílóum af heróíni inn í landið í vatnsdælum. Lögregla fékk ábendingu um málið eftir að dælunum hafði verið komið í höfn í ríkinu.

Erlent 4.3.2006 16:18

Flensburg í undanúrslitin þrátt fyrir tap

Þýska liðið Flensburg varð í dag fyrst liða til að tryggja sér farseðilinn í undanúrslit Meistaradeildar Evrópu í handbolta þrátt fyrir tap gegn löndum sínum í Kiel, 31:34, í hörkuspennandi leik. Flensburg vann fyrri viðureign liðanna, 28-32 þannig að Kiel hefði þurft að skora einu marki meira í dag til að komast áfram. Staðan í hálfleik var 16-17 fyrir Kiel. Það voru íslensku dómararnir Stefán Arnaldsson og Gunnar Viðarsson sem dæmdu þennan leik.

Sport 4.3.2006 15:52

Ljósmæður greiða atkvæði um nýjan kjarasamning

Ljósmæður í heimaþjónustu koma saman nú klukkan fjögur þar sem kynntur verður kjarasamningur Ljósmæðrafélags Íslands og samninganefndar heilbrigðisráðuneytisins sem undirritaður var í gær. Jafnframt greiða ljósmæður um hann atkvæði.

Innlent 4.3.2006 15:44

Calzaghe og Lacy boxa í beinni í kvöld

Áhugamenn um hnefaleika bíða spenntir eftir boxbardaga Walesverjans Joe Calzaghe og Bandaríkjamannsins Jeff Lacy. Þeir mætast í Manchester í kvöld um titil WBO og IBF heimssambandanna í léttmillivigt. Bardaginn byrjar laust eftir klukkan 11 í kvöld og hann verður sýndur beint á Sýn.

Sport 4.3.2006 15:43

Ívar og Brynjar báðir í byrjunarliði Reading

Ívar Ingimarsson og Brynjar Björn Gunnarsson eru báðir í byrjunarliði Reading sem er að leika við Burnley í ensku 1. deildinni í fótbolta í dag. Jóhannes Karl Guðjónsson er í byrjunarliði Leicester sem tekur á móti Hull en fleiri Íslendingar koma ekki við sögu í leikjum dagsins í deildinni í dag.

Sport 4.3.2006 15:32

Prófkjör hjá framsóknarmönnum á Austurlandi

Prófkjör er haldið í dag á vegum Framsóknarflokksins í fjórum sveitarfélögum sem munu sameinast við sveitarstjórnarkosningarnar í vor. Þetta eru Fjarðabyggð, Austurbyggð, Mjóafjarðarhreppur og Fáskrúðsfjarðarhreppur.

Innlent 4.3.2006 14:53

Ísland vann þrenn verðlaun

Ísland vann til þrennra verðlauna á fyrsta degi Norðurlandamóts öldunga í frjálsum íþróttum sem hófst í Malmö í Svíþjóð í gær, ein gullverðlaun og tvö brons. Árný Hreiðarsdóttir vann gullverðlaun þegar hún sigraði þrístökk kvenna 50 ára og eldri.

Sport 4.3.2006 14:41

Komið með slasaðan vélsleðamann til Reykjavíkur

Þyrla varnarliðsins lenti klukkan þrjú við Landspítalann í Fossvogi með slasaðan vélsleðamann sem hún sótti á suðvestanverðan Langjökul. Maðurinn hrapaði um 40 metra fram af snjóhengju og er hann illa haldinn og grunur um innvortis meiðsl og áverka á hrygg.

Innlent 4.3.2006 15:12

Tilkynnt um strandaðan bát við Jörundarboða

Bátar frá björgunarsveitum í Reykjavík, Kópavogi og Seltjarnarnesi voru kallaðir út í dag vegna tilkynningar um að bátur hefði strandað við Jörundarboða sem er vestur af Lönguskerjum í Skerjafirði.

Innlent 4.3.2006 14:51

Heiðar í byrjunarliðinu gegn Arsenal

Heiðar Helguson er í byrjunarliði Fulham sem tekur á móti Arsenal í ensku úrvalsdeildinni í fótbolta nú kl. 15. Arsenal er í 7. sæti deildarinnar með 41 stig, fimm stigum á eftir Tottenham sem er í 4. sæti en liðin berjast nú grimmilega um það sæti sem gefur þátttökurétt í Meistaradeildinni. Heiðar og félagar í Fulham eru í 14. sæti deildarinnar, en þó ekki nema níu stigum á eftir Arsenal.

Sport 4.3.2006 14:55

Chelsea með 18 stiga forskot á toppnum

Chelsea náði í dag 18 stiga forystu á toppi ensku úrvalsdeildarinnar þegar meistararnir unnu 1-2 útisigur á West Bromwich Albion. Eiður Smári Guðjohnsen var í byrjunarliði Chelsea en honum var skipt út af á 63. mínútu fyrir Geremi.

Sport 4.3.2006 14:48

Þyrla varnarliðsins sækir slasaðan vélsleðamann

Þyrla varnarliðsins er nú á leið á suðvestanverðan Langjökul til að sækja alvarlega slasaðan vélsleðamann. Talið er að maðurinn hafi hrapað um 40 metra fram af hengju og er hann illa haldinn og grunur um innvortis meiðsl og áverka á hrygg. Flugvél Flugmálastjórnar mun einnig vera á leið á slysstað til þess að halda uppi samskiptum þar en það var til happs að björgunarsveitarmenn eru meðal fjölmenns hóps sem er á jöklinum.

Innlent 4.3.2006 14:44

Ísland valtaði yfir Eista

Íslenska öldungalandsliðið í krullu valtaði yfir Eista í morgun, 8-2 á heimsmeistaramótinu 50 ára og eldri en mótið hófst í Tårnby í Danmörku í morgun. Félagar úr Skautafélagi Akureyrar skipa lið Íslands en 15 lið taka þátt á mótinu í karlaflokki og 12 í kvennaflokki. Íslendingar mæta Japönum á morgun.

Sport 4.3.2006 14:35

Bush fundaði með Musharraf

George Bush heimsótti í dag einn sinn helsta bandamann í Mið-Asíu, Pervez Musharraf, forseta Pakistans, og var baráttan gegn hryðjuverkum þeirra aðalumræðuefni

Erlent 4.3.2006 14:32

Aldrei fleiri fengið íslenskan ríkisborgararétt á einu ári

Á síðasta ári fengu 872 manns íslenskan ríkisborgararétt, eða fleiri en nokkru sinni áður. 52 einstaklingar fengu íslenskan ríkisborgarrétt að nýju eftir að hafa afsalað sér honum eða misst hann með einhverjum hætti.

Innlent 4.3.2006 13:56

Rice segir efnahagsþvinganir ólíklegar

Condoleezza Rice, utanríkisráðherra Bandaríkjanna, segir ólíklegt að öryggisráð Sameinuðu þjóðanna grípi strax til refsiaðgerða gegn Írönum vegna kjarnorkuáætlunar þeirra.

Erlent 4.3.2006 14:13

16. heimasigurinn í röð hjá Dallas

10 leikir voru í NBA körfuboltanum í gærkvöldi. Allen Iverson skoraði 43 stig þegar Philadelfia vann Washington, 119-113. Dallas Mavericks vann 16. heimaleik sinn í röð í gærkvöldi. Í gærkvöld stóðu leikmenn Charlotte Bobcats lengi í Dallas-mönnum. En Þjóðverjinn, Dirk Nowitzki, tók til sinna ráða en hann var stigahæstur hjá Dallas, skoraði 26 stig.

Sport 4.3.2006 14:12

Síðari leikur Barcelona og Portland í dag

Klukkan 15:30 í dag mætast Barcelona og Portland San Antonio í síðari leik liðanna í 8-liða úrslitum meistaradeildarinnar í handbolta. Leikurinn verður sýndur beint á Sýn. Portland vann fyrri leikinn með fjögurra marka mun á heimavelli sínum í Pamplóna, 25-21. Það má því búast við hörkuleik þessara frábæru handboltaliða í dag.

Sport 4.3.2006 14:05

Breytingar á leiðarkerfi Strætós á morgun

Umtalsverðar breytingar á leiðakerfi Strætós taka gildi á morgun en með þeim á að sníða hnökra af leiðakerfinu sem tók gildi í júlí á síðasta ári.

Innlent 4.3.2006 13:53

Fjórir kylfingar efstir og jafnir fyrir lokadaginn

Þegar keppni á Fordmótinu í golfi í Miami í Flórída er hálfnuð eru fjórir kylfingar jafnir í fyrsta sætinu. Tiger Woods hafði forystu eftir fyrsta daginn, lék Doral-völlinn á 64 höggum eða 8 undir pari. Tiger lék í gær á 67 höggum og er samtals á 13 undir pari. Phil Mickelson var höggi á eftir þegar kylfingarnir hófu leik í gær. Mickelson lék betur en Tiger í gær, lék á 6 undir pari og er samtals á 13 undir pari.

Sport 4.3.2006 13:55

Farice tekur varaleið í notkun í Bretlandi

Farice á Íslandi hefur tekið í notkun varaleið til þess að reyna að koma í veg fyrir frekari bilanir á Farice-strengnum í Skotlandi. Strengurinn hefur bilað sautján sinnum á síðustu tveimur árum með þeim afleiðingum að hægt hefur mjög á netsambandi við útlönd.

Innlent 4.3.2006 13:43

Eiður í byrjunarliði Chelsea

Eiður Smári Guðjohnsen er í byrjunarliði Chelsea sem er í heimsókn hjá W.B.A. í ensku úrvalsdeildinni í fótbolta en leikurinn hófst í hádeginu kl. 12:45. Eiður kemur inn í liðið sem staðgengill fyrir Frank Lampard sem er meiddur.

Sport 4.3.2006 13:31

Guð dæmi hvort rétt hafi verið að ráðast inn í Írak

Ummæli Tonys Blair, forsætisráðherra Bretlands, um að "Guð myndi dæma um hvort rétt hafi verið að ráðast inn í Írak" hafa vakið athygli og furðu. Blair lét þessi orð falla í viðtali sem sjónvarpað verður í kvöld þar sem hann viðurkenndi einnig að áhugi hans á stjórnmálum hefði kviknað vegna trúarsannfæringar sinnar.

Erlent 4.3.2006 13:41