Fréttir

Skýlaus krafa að hækka lægstu launin

Launahækkun til handa þeim lægstlaunuðu verður að vera skýlaus krafa við endurskoðun kjarasamninga í haust segir formaður Verkalýðsfélags Akraness. Hann segir fólkið á lægstu laununum hafa setið illilega eftir í launaþróun síðustu ára.

Innlent 18.4.2006 11:35

Ekki talið að boðið verði upp á launahækkanir

Fyrsti formlegi samningafundurinn milli Eflingar og Samtaka fyrirtækja í heilbrigðisþjónustu vegna starfsfólks á dvalar- og hjúkrunarheimilum, verður í dag. Ekki er talið að boðið verði upp á tilteknar launahækkanir á fundinum en vonir standa þó til að kjaradeila ófaglærðra leysist áður en til aðgerða kemur í næstu viku.

Innlent 18.4.2006 11:34

Úrvalsvísitalan lækkar um tvö prósent

Úrvalsvísitala Kauphallarinnar hefur lækkað um tvö prósent í viðskiptum í morgun. Hlutabréf í Landsbankanum hafa lækkað mest um rúm fjögur prósent. Næst mest er lækkunin á hlutabréfum í FL Group sem hafa lækkað um tæp fjögur prósent í morgun.

Innlent 18.4.2006 11:49

Ný frímerki með myndum af Bretadrottningu

Breska póstþjónustan gaf í morgun út átta ný frímerki með myndum af Elísabetu II Bretlandsdrottningu. Frímerkin eru gefin út í tilefni af áttatíu ára afmæli hennar næsta föstudag.

Erlent 18.4.2006 11:32

Olíuverð hækkar enn

Olíuverð sveiflaðist nokkuð á mörkuðum í dag. Verðið stóð til skamms tíma í 70,85 dollurum á mörkuðum í New York í Bandaríkjunum en lækkaði nokkuð og stendur nú í 70,75 sentum, sem er 35 sentum meira en í gær. Norðursjávarolía, sem afhent verður í júní, hækkaði um 5 sent í kauphöll Lundúna í Bretlandi. Til skamms tíma fór tunnan í 72,20 dollara, sem er metverð. Hún stendur nú í 71,51 dal.

Viðskipti erlent 18.4.2006 11:39

Flóðin í Dóná virðast í rénun

Flóðin í Dóná virðast í rénun en þau hafa valdið miklum skemmdum á heimilum og ræktarlandi í Búlgaríu, Rúmeníu og Serbíu. Þar hefur áin flætt yfir bakka sína síðustu viku og er yfirborð Dónár enn hátt, en um helgina mældist yfirborð hennar það hæsta í hundrað og ellefu ár.

Erlent 18.4.2006 11:16

Hagnaður Pepsi minnkar á milli ára

Bandaríska gosdrykkjafyrirtækið Pepsi Bottling Group Inc. skilaði 34 milljóna dollara hagnaði á fyrsta ársfjórðungi 2006. Þetta er 5 milljónum minna en á sama tíma á síðasta ári. Gengi hlutabréfa í fyrirtækinu hækkaði um 14 sent eftir að greint var frá afkomu fyrirtækisins.

Viðskipti erlent 18.4.2006 11:17

Og Vodafone tekur í notkun „EDGE-tækni"

Og Vodafone hefur tekið í notkun svokallaða EDGE-tækni sem gerir viðskiptavinum í farsímaþjónustu fyrirtækisins mögulegt að nota símtæki sín með fjölbreyttari og hraðvirkari hætti en áður.

Innlent 18.4.2006 10:53

Fiskaflinn helmingi minni en í fyrra

Afli íslenskra fiskiskipa fyrstu þrjá mánuði ársins er aðeins rétt rúmlega helmingur þess sem hann var á fyrsta ársfjórðungi síðasta árs. Mestu munar um að loðnuveiði er mun minni í ár en í fyrra.

Innlent 18.4.2006 10:50

Nýr framkvæmdastjóri TM Software

Stefán Þór Stefánsson hefur tekið við starfi framkvæmdastjóra hjá TM Software – Custom Development (áður Origo) af Einari Gunnari Þórissyni sem tekið hefur við nýju starfi hjá TM Software Healthcare. Stefán hefur víðtæka reynslu af ábyrgðarstörfum tengdum fjármálum og sölu- og markaðsmálum fyrirtækja.

Viðskipti innlent 18.4.2006 10:40

Aukið eftirlit í New York

Lögreglan í New York í Bandaríkjunum hefur enn aukið eftirlit til að herða á baráttunni gegn glæpum og hryðjuverkum í borginni. Búið er að koma fyrir eftirlitsmyndavélum með aðdráttarlinsum á fjölmörgum ljósastaurum. Lögregla í borginni segir að hægt verði að koma fyrir mörg hundruð vélum til viðbótar ef aukafjárveiting að jafnvirði rúmra sex milljarða íslenskra króna fáist frá ríkinu.

Erlent 18.4.2006 08:30

Fjölmargra saknað eftir að ferja sökk

Fjölmargra er saknað eftir að farþegaferja með allt að hundrað farþega sökk undan austurströnd Indónesíu í gærkvöld. Slæmt var í sjóinn á svæðinu. Í febrúar fórust 40 manns þegar ferja sökk á þeim stað þar sem slysið varð í gær.

Erlent 18.4.2006 08:08

EDGE í notkun á fleiri stöðum

Og Vodafone hefur eflt farsímakerfi sitt en frekar í kringum höfuðborgarsvæðið með því að taka í notkun EDGE tækni sem gerir viðskiptavinum í farsímaþjónustu fyrirtækisins mögulegt að nota símtæki sín með fjölbreyttari og hraðvirkari hætti en áður. Nú hefur Og Vodafone lokið við uppsetningu á EDGE sambandi frá Úlfarsfelli við Mosfellsbæ og að Grundarhverfi á Kjalarnesi.

Viðskipti innlent 18.4.2006 09:59

Hætt við sölu Ölgerðarinnar

Ekkert verður af fyrirhugaðri sölu Ölgerðarinnar og innflutningsfyrirtækisins Danóls þar sem tilboð reyndust ekki ásættanleg að mati eigenda. Þegar fyrirtækin voru sett í söluferli í lok febrúar var tekið fram af hálfu eigenda að þau yrðu seld saman eða hvort í sínu lagi, að því gefnu að ásættanlegt verð fengist.

Innlent 18.4.2006 09:48

Viðræður hefjast í dag

Viðræður um kjör ófaglærðra starfsmanna á dvalar- og hjúkrunarheimilum aldraðra hefjast síðdegis í dag. Starfsmennirnir hafa tvisvar gripið til setuverkfalla á undanförnum vikum vegna óánægju með kjör sín.

Innlent 18.4.2006 08:06

Braust inn í sex bíla

Karlmaður á þrítugsaldri var handtekinn á Akureyri í nótt eftir að hann hafði brotist inn í sex bíla í bænum. Maðurinn hafði einhverja smámynt upp úr krafsinu.

Innlent 18.4.2006 08:04

Stuðningmenn forseta Tsjad láta í sér heyra

Stuðningsmenn Idriss Deby, forseta Tsjad, söfnuðust saman á götum höfuðborgar landsins í gær en rétt um hálfur mánuður eru í kosningar þar í landi. Uppreisnarmenn reyndu í síðustu viku að velta forsetanum úr sessi en hann hefur verið við völd í 16 ár.

Erlent 18.4.2006 08:00

Innbrotsþjófur gripinn glóðvolgur

Karlmaður var handtekinn á þriðja tímanum í nótt fyrir tilraun til innbrots í tölvuverslun í Álfheimum. Lögreglumenn komu að honum þar sem hann var að reyna að spenna hurðina upp. Þjófurinn fékk að gista fangageymslur lögreglunnar í nótt og verður yfirheyrður í dag.

Innlent 18.4.2006 07:57

Sinueldar í Hafnarfirði

Tveir sinueldar voru kveiktir í Áslandi í Hafnarfirði í nótt. Að sögn slökkviliðs höfuðborgarsvæðisins voru eldarnir minniháttar og voru þeir slökktir á skömmum tíma.

Innlent 18.4.2006 07:55

57 létust í rútuslysi í Mexíkó

57 manns biðu bana þegar rúta ók út af fjallvegi í Mexíkó í gær. 60 farþegar voru í rútunni sem var aðeins með sæti fyrir 46 manns. Allir hinna látnu voru mexíkóskir ríkisborgarar á leið heim úr páskafríi í vesturhluta landsins.

Erlent 18.4.2006 07:51

Hamas-liðar varaðir við að verja hryðjuverk

Bandarísk stjórnvöld hafa varað Hamas-hreyfinguna við því að verja hryðjuverk. Formælandi samtakanna sagði í gær að sjálfsvígsárás í Tel Aviv í Ísrael í gær hefði verið lögmæt sjálfsvörn.

Erlent 18.4.2006 08:25

15 lík finnast í úthverfum Bagdad

15 lík fundust á tveimur stöðum í Bagdad, höfuðborg Íraks, í gær. 12 líkanna fundust í í suður hluta borgarinnar og þrjú í hverfi sjía-múslima. Að sögn lögreglu var fólkið handjárnað og síðan skotið til bana. Mörg hundruð múslimar hafa fallið eða særst í átökum í Írak síðustu vikur en upp úr sauð þegar einn mesti helgidómur sjía var sprengdur í loft upp í Samarra-borg í febrúar.

Erlent 18.4.2006 07:48

Olíuverð í sögulegu hámarki

Heimsmarkaðsverð á olíu náði sögulegu hámarki í gær og var rúmir 70 dalir á tunnu. Ástæðan er sögð meðal annars kjarnorkudeila vesturveldanna við Írana.

Erlent 18.4.2006 07:45

Flugskeytaárás á Gaza-borg

17 ára Palestínumaður beið bana þegar Ísraelsher gerði flugskeytaárás á bæinn Beit Lahiya í gærkvöldi. Herinn gerði einnig árás á meintar bækistöðvar palestínskra vígamanna í Gaza-borg, en að sögn talsmanns palestínskra yfirvalda féll enginn í þeirri árás.

Erlent 18.4.2006 07:39

Flóðin hvergi í rénun

Vatnsborð Dónár hélt áfram að hækka í dag, íbúum á vatnasvæði hennar til enn frekara angurs og ama. Þá varð að rýma fjölda húsa í Georgíu vegna flóða.

Erlent 17.4.2006 19:07

Hvalveiðisinnar í meirihluta?

Ríki sem eru hlynnt hvalveiðum hafa náð undirtökunum í Alþjóðahvalveiðiráðinu að mati breska blaðsins Independent. Sjávarútvegsráðherra segist fagna tíðindunum en kveðst þó vonlítill um að Íslendingar muni sækja gull í greipar ráðsins á ársfundi þess í sumar.

Erlent 17.4.2006 19:04

Mannskæðasta sjálfsmorðsárásin í rúmt ár

Sextán ára gamall liðsmaður palestínsku samtakanna Heilagt stríð varð í dag níu manns að bana í Tel Aviv í Ísrael. Formælandi Hamas-hreyfingarinnar segir árásina, sem er sú mannskæðasta í rúmt ár, lögmæta sjálfsvörn.

Erlent 17.4.2006 19:01

Fjórir í gæsluvarðhaldi vegna stórs fíkniefnamáls

Fjórir menn, þrír Íslendingar og einn Hollendingur, voru úrskurðaðir, í Héraðsdómi Reykjavíkur, í þriggja vikna gæsluvarðhald á föstudaginn langa vegna eins stærsta fíkniefnamáls sem komið hefur upp hérlendis. Gríðarlegt magn fíkniefna fannst í iðnaðarhúsnæði í Reykjavík á fimmtudagskvöld.

Innlent 17.4.2006 18:36

Von á frekari bensínhækkunum

Bensínverð hefur hækkað um nærri þrettán krónur á einum mánuði og er bensínverð í hæstu hæðum og hvergi hærra en hér á landi. Búast má við frekari hækkunum á næstunni hér á landi vegna hækkana á heimsmarkaði.

Innlent 17.4.2006 18:16

Fuglinn ekki sýktur af H5N1

Fuglinn sem fannst dauður á Elliðavatni fyrr í mánuðinum var ekki sýktur með hinu mannskæða H5N1 afbrigði fuglaflensu. Þetta sýna niðurstöður rannsóknar sem fram fór í Svíþjóð. Fuglinn fannst dauður í Elliðaárdal þann 8. apríl og ástæða þótti til sýnatöku og frekari rannsóknar.

Innlent 17.4.2006 15:04